✔ 最佳答案
對焦同變焦係完全唔同既嘢
對焦的目的是要把光線正確聚焦在感光完件上,就好似戴眼鏡一樣,焦點唔正確景物就會唔清楚,在對焦時,相機會因應物件的遠近,移動鏡片去適合位置,期間景物大小係唔會改變的,只會由矇變清.所以係每次影相必做的步驟.而且係最重要的功能,唔準的話基本上係影唔到相.除咗分準唔準之外,仲分夠唔夠快,對焦快的相機對要影啲郁既嘢比較好.
至於變焦雖然都係改動鏡片位置,但作用就係改變焦距,景物會變大或變細,即係俗稱既zoom功能,變焦倍數越大構圖變化可以越大.但缺點係光學質素會變差,鏡頭會變得笨重或者光圈變細.所以未必係越勁 zoom就越好,要視乎自己需要.
2008-05-10 22:15:56 補充:
一般來講大約3倍光學變焦被認為是較能夠保證光學質素的.
2008-05-13 21:51:44 補充:
一般使用的話,我覺得廣角有28mm會比較好.