甲狀線良性腫瘤

✔ 最佳答案

首先，唔係個個有甲狀腺腫瘤的病人都要做手術的。
你要明白，手術是有風險的。

*******你是睇私家醫生？定政府醫院？？？*******

我之前都係有甲狀腺腫瘤，初初係抽細胞抽到 “惡性”, 無照ultrasound.
上年8月做咗手術. 手術後check到是 “良性” 2cm的.

甲狀腺瘤可以是良性瘤或惡性. 可以抽組織去檢，如果check到惡性。
要做手術切一半甲狀腺出來再去check。
如果再check到惡性，要再做手術切埋其餘果半甲狀腺。
d人要使手術，好可能係因為好似我抽細胞去check到是疑似惡性。
或者可能是個腫瘤壓到氣管。仲有好多其他因素的。

仲有我覺做手術好睇係邊間醫院做and邊個醫生做, 我本身手術後唔係好講到嘢, 原來手術時整到喉返神經, 等咗成1個半月先叫好返d, 仲要係食中藥至好返，超慘~~~

因為傷左喉返神經，所以要照喉鏡，照果時支嘢一伸入去我巳經想嘔了, 一路入我就越辛苦，全程, 我就一路不停甘流眼淚, 成面都濕晒，照完之後我仲好想嘔, 返到屋企仲係唔太舒服.好慘~~~~~~

但之前問過醫生，如果要變惡性，都唔會話好快好快甘。
我聽醫生講, 如果甲狀腺突然脹大, 就會很大機會是惡性. 所以你要小心. 仲有如果有腫瘤，醫生應該會叫你幾個月一次甘返去抽細胞check 下有無野。

如果唔放心，可以叫佢check 下，tsh ,t4, t3.
仲有可以叫佢check 下antibodies果d。

D網頁係我之前for自己用的, for你参考下。
http://www.threemed.com.hk/chinese/mednews/checking_result/doc-57B.htm
http://www.vghtpe.gov.tw/~meta/thyroid.htm
http://ladies.sina.com.hk/cgi-bin/nw/show.cgi/181/4/1/123723/1.html

至於用不用戒口。
就要睇下你甲狀腺素果d，有無這高定係低？？？？？
因為會好唔同。
如果是甲狀腺過高，就不要亂吃高碘食物，因為有可能會弄巧成拙的，如果你是因為甲狀腺素過高而有甲狀腺瘤，吃高碘食物會令你個瘤更快變大。要弄清楚呀~~~

但另一方面，中醫就叫我不要吃燕窩。
還有不要可濕熱食物，辛辣食物，熱氣食物。

以上所有資料，只是本人的經驗，只供參考。

回答 (2)