唉....點樣先可以同女仔多d話題?

我20歲時都好怕女仔，都係煩緊咁點先可以有女朋友，不過後來都成功改善到，所以我諗我嘅經驗可以幫到你。
唯一嘅方法就係夾硬嚟。好似我以前好驚玩機動遊戲，但諗作為男仔咁唔得，於是就迫自己去海洋公園玩晒所有機動遊戲，初初坐上去時真係好驚，但玩得多左，適應左，而家反而嫌啲遊戲唔夠刺激。
同女仔相處一樣，越驚我就越迫自己搵身邊嘅女仔傾偈，初時真係面紅怕醜唔知講乜好，連隻手都唔知擺邊，自己都覺得好冇用，於是嘗試自己同自己心理輔導，但輔導都冇用，依然係驚，連打個電話同一個我唔打算追嘅女同事傾啲野都好大壓力，但都係要迫自己，過程相當straight forward，冇技巧，只係迫自己多啲同女仔傾偈。
幾個月後，日子有功，終於自己唔再驚同女仔傾偈，反而發覺女仔比男仔樂意講野，只要習慣左嗰種同異性相處嘅壓力，其實同女仔搵話題仲易過同男仔，所以而家我除左做學生時已friend開嘅兩個男性死黨外，最好嘅朋友都係女仔。
你冇其他辦法，只有好死板咁，迫自己搵多啲唔同嘅女仔傾偈，利用時間令自己適應同異性相處嘅壓力。
到你唔再驚女仔時，其實都唔代表你會同所有女仔都有好多話題，始終人夾人緣，道理同跟同性相處一樣，但傾得埋嘅總有好幾個嘅，咁就喺傾得埋嘅女性友人中搵一個合心水嘅追求啦，成功機會唔細嫁，我都係咁先識到女朋友。千萬唔好只係講feel，硬係要追一個同自己唔啱傾嘅女仔，一定唔會追求成功，只會浪費自己時間。

你太文靜唔得+
你要有勇氣先可以對住D女仔
先有人鐘意你