音樂科問題about小調同大調,三和弦,主和弦,下屬和弦,屬和弦

Q1.點先可以分辨小調同大調和點樣記??(唔好太長,但要明白!!)
如果你指睇一份譜，想分辨大、小調，首先要睇最後一個音，假設首歌冇轉過調，最後個音係d，而第一個音係d / m / s，呢首就係大調歌曲。如果首歌最後個音係 l，而第一個音係 l / d / m，呢首就係小調歌曲。
大、小調係共用同一個調號，eg. 調號中有一個F#，呢個可以係G大調，亦都可以係E小調。又eg. 調號中有一個Bb，呢個可以係F大調，亦都可以係D小調。
如果你想知聽完一首歌之後，要分辨大、小調，就要憑感覺。大調音樂感覺會較愉快，而小調音樂通常會較哀怨。

2.咩係三和弦,主和弦,下屬和弦,屬和弦??(唔好太長,但要明白!!)
三和弦(chord)︰由三個音組成，每個音之間相隔一個音。eg. d m s / r f l 等。
主和弦( I chord )︰即係第一個和弦，eg. 大調係由d r m f s l t d' 組成， d係整個音階中第一個音 ，由d音建立而成o既和弦(即 d m s )，就係主和弦。又eg. 小調(和聲小調)由 l t d r m f se l 組成，小調音階第一個音係 l ，即係由 l 音組成o既和弦(即 l d m )就係主和弦。
下屬和弦( IV chord )︰即係由音階中第4個音建立而成o既和弦。大調中第4個音係 f，所以下屬和弦係 f l d'，而小調中第4個音係 r ，所以下屬和弦係 r f l。
屬和弦( V chord )︰即係由音階中第5個音建立而成o既和弦。大調中第5個音係 s，所以屬和弦係 s t r'，而小調中第5個音係 m，所以屬和弦係 m se t。

thx!!