CV中的expected salary問題及市場需求

你做咗四、五年HR，揾HRO應該唔難，你寫嘅expected salary亦唔過份，問題係你張cv寫得好唔好。

首先你張cv一定要清楚整潔，我有時拎起張cv，太長氣又唔想睇，寫得太簡單又覺得佢冇咩做過。

跟住就要睇內容喇，你做得四、五年HR，當然要著重工作經驗啦，你要清楚講到你以前同而家做過d咩，有d嘢唔多唔少要吹，當然唔係叫你講大話，而係包裝得靚啲，例如唔好寫話filing, typing, etc，要寫就寫adminstrative duties。但係包裝得嚟唔好寫完人哋都唔明你講咩喎。

好似好難咁，但cv就係你俾人見到嘅第一樣嘢，所以幾麻煩都要寫好佢。當然仲要配合好多樣嘢，例如你係咪好jumpy啦，你做開咩公司啦等等。

另外，你要睇清楚自己係唔係符合晒份工嘅要求，今年個market冇去年咁好，去年冇candidate嘅時候可能會咩candidate都考慮，今年就未必喇。

如果一份工好多cv send入嚟，我都未必張張睇，所以你去揾吓agent添啦，通常個agent screen過我點都會睇吓嘅。

有問題可以pm我，我都成日幫人執cv嘅。

祝你好運啦! =]

還有
但想請問為何我send左咁多cv出去，但只是得三至四個feedback既？？
是不是我定的expected salary(13-14k) 太高 or 太低呢？
定抑或今個月搵工會好難呀？
即是市場需求不太大嗎？
可唔可以幫下小妹呀？~~謝謝