✔ 最佳答案
我係過來人
06CE得7分, 好徬徨唔知點做最後揀左去商科學校修accounting
開左學先發現唔岩自己, 想升中六再入大學
先去退學再去搵學校repeat f.5, 但已經side左好多時間同錢
好彩我repeat完都有16分而家升左中六
我o既意思係你唔好諗住退而求其次, 升唔倒f.6就是但讀d野算
如果你想讀大學GE話, 雖然用正途讀中六七係好辛苦但係會直同可信得多
因為到時後悔就恨錯難返
因為我唔知你話呢D學校係咪好似讀預科咁、讀2年再考大學GE意思係你最終都係想入本地大學定點
如果係O既話我之前果間就唔岩你
我之前果間叫嘉諾撒聖心商學書院 SHCCC
o係中環半山架, 你問好多做business ge人都應該會識呢間學校
學費就每個唔同ge課程都唔同, 長度都係會唔同
佢有得你揀一/二/三/四年
我之前果個係讀三年ge accounting diploma, 要成30000萬蚊一年
但就冇得銜接本地大學, 除非你成績非常優異自己去信求offer啦
不過就好似有同外國大學有linked up, 唔係好記得所以唔敢肯定
但就肯定會有公司黎請人/試工之類所以都唔怕冇出路
佢係用全英文教架所以如果你用開中文讀或者都會有d吃力
不過就算無修過pa之類都唔怕, 因為佢會由最基礎教起架
番學時間係朝早7:45/下晝1:00 (視乎唔同課程而定)
收生就要求好低, 我有fd得3分都入左去
但入面教書都嚴, 唔會係ive果d玩玩下ge感覺囉所以!
http://www.shccc.edu.hk/
不過最後都真係想你自己諗清楚先
我果陣為自己呢個錯ge決定後悔左好耐
直至開始repeat先變番正常人-_-
所以一個岩o既決定真係好重要!
或者你同一d熟ge朋友/老師/家人傾一傾先
諗清楚自己想點, 唔好比張cert個分打擾倒
祝你好運!