數碼相片過份爆光，有冇得救？

這要視乎你白的地方是否真的己全白,如果係的話係冇得救的,因為己經冇晒資料,就算夾硬整暗佢都只係會見到比較灰既淨色,係完全冇晒層次變化的.所以影數碼一般來講都係寧under,莫over.唔夠光推翻光最多多啲noise,過光就冇得救.
如果張相其實唔係全白,只係稍光令一啲位看來全白,咁你可以減低整體曝光等啲細節現翻出來.如果拍攝時用raw影,救翻的機會比較大,直接用編輯raw的軟件減曝光值就得.
如果係Jpeg就唯有盡下人事,幾乎所有編輯軟件例如Photoshop, Paint shop pro等都可以改曝光值,只要開出Histogram就知道全白得厲唔厲害.貼晒右邊既即係冇得救.要減曝光可以將左手邊箭咀推右或者中間箭咀推左.睇下救得幾多．