各位,想請問大家知唔知有乜方法可以將問題改善. 部機滴水的位置係正正在出風口. 部機有保養,但一個熱天隨時要叫人上黎整六,七次. 次次頂多用三個星期左右就又滴過. d 師父就例牌話去水位塞左,通通就 ok !! 但無理由會塞得咁利害卦. 問過 d 相熟裝修師父, 佢地話有可能係機肉入面有關於去水的地方穿左, 又有可能係去水位唔夠斜, 所以水會倒流, 導致滴水.
所以想請問各位有乜建議去整好呢個問題. 家下用部機真係好煩,成日都要留意住佢有無滴水,一滴水的話又唔用得,天氣熱果時要頂幾日真係勁辛苦 ~~~
分體機滴水
2008-05-10 12:39 am
回答 (2)
2008-05-10 6:45 am
✔ 最佳答案
你冇講出部机嘅去水喉接去什麽地方?如地台去水或用桶裝載? 通常安装一部分體機好講究師傅的經驗, 因為不同牌子嘅冷氣機設計上是有分別的, 所謂一分錢一分貨, 日本牌子同國產就的排水位就有分別, 日本牌子設計是左右都有去水位, 國產大部份都是單右手邊去水位。通常安裝室內機時, 機身是要靠去水位那邊作低5mm傾斜,加强排水效果。一般有經驗嘅師傅會將去水喉擺放在雪種喉嘅下面,因水是向低流的.你部机成日噴水主因可能係排水喉安裝不妥,會唔會條去水喉中途位升高咗而導致養水或你條去水喉放咗落個水桶內呢?如果條去水喉比水浸住咗,桶內嘅水啲壓力大過排水喉嘅壓力,冷氣機水永遠不能排出机外!要真正實地環境視察才知問題所在.你可找代理商去做檢查,較有保証,希望幫到你,祝:生活愉快！
收錄日期: 2021-04-13 15:32:04
原文連結 [永久失效]:
https://hk.answers.yahoo.com/question/index?qid=20080509000051KK01351