新手養魚仔...

新手o既問題，往往好類似，尋日先答左兩個咁上下o既問題
圖片參考：http://tw.yimg.com/i/tw/ugc/rte/smiley_4.gif

難得你資料比較詳盡，唔駛答得咁籠統：
１＋７．必須一齊答。你個缸 18 x 13.5 x 15 cm，容量係不足四升水！魚缸養魚量，參考數字係一升水養一厘米長o既魚！你夾埋廿四條魚，當每條兩厘米長，即係４８厘米，超標幾多倍，你自己計．．．
圖片參考：http://tw.yimg.com/i/tw/ugc/rte/smiley_30.gif

唔係唔超得，但都有個限度。你可能會諗，水族店都養得好密，但係人地個缸大，日日換水你又唔知喎。缸大水多，魚o既屎尿中o既阿摩尼亞可以稀釋，加上換水再沖淡ｄ，所以就能夠承受多ｄ魚。一個好強o既過濾系統亦可以俾你超養，但係都有個限度。

我估你係新手，而新手最想個缸一買返屋企，加水入魚，馬上搞到好靚，所以冇耐性又買好多魚，結果往往出事。入魚前，個缸唔係就咁入水就叫做 set 好，而係要俾時間過濾系統中o既硝化菌繁殖到足夠數目，等佢地幫你維持水質穩定。
其他器材冇甩問題o既，個缸最大問題，必須換！濾水器話流量１５０L/hr，但就咁睇網上o既相唔知放到幾多濾材。有空位不妨加多ｄ生物環。另外你個氣泵都好大氣下，造成好勁o既水流，可以去買個氣喉夾，控制下出氣量。
２．有ｄ魚習慣水流急，有ｄ魚就要水流慢，但總括睇細魚最好唔好咁大水流。過急水流當然會對魚仔造成壓力，如果可以的話剪片生化綿（黑色o個ｄ）放o係水面，等濾水器出水打落舊棉度，可以減弱水流。
３．２９度都仲ｏｋ，到３字頭就要小心啦。可以用個風扇吹水面降溫。
４＋５．燈魚食野係好快手架，搶得好勁。你驚添糧會飽死佢地，咁你就定ｄo黎啦，佢地會自然停o既，反而我要提醒你：食得多，疴得多，水質污染得快，仲要缸細水少，污染物濃度高變成有毒，呢個係死魚原因！
所以轉大缸係無可避免，一係就等ｄ魚死到咁上下，過濾能力夠應付，就自然會停止死魚（當然期間你要加密換水、處理死／病魚），但我諗你都唔想咁架？
如果你個缸夠大的話，你可以等燈魚食夠先酌量放糧俾其他魚，又或者o係不同位置放量，咁搶得冇咁嚴重，咪大家都有啖好食囉。
６．糧一日一次已夠，隔日／三日一次都得！尤其是細缸多魚，更加唔好餵咁密，都係呢句：食得多，痾得多，水污染得更快！
唔知你１０ｇ即係幾多，你可以逐少放，然後睇下份量是否適當。放糧以ｄ魚兩三分鐘食清為準，最緊要唔好有糧沉到底都冇人食，咁即係份量ｏｋ啦。
８．魚之間啄對方唔奇！神仙都幾鍾意啄架，唔好睇少！而個缸又細又冇地方躲藏，被啄o既魚就更緊張，必然會影響健康。
９．人有生理時鐘，魚都有，所以最好開燈關燈有定時，一個時間掣可以一勞永逸，電器鋪有售。不過時間唔定都唔會死魚o既，精神緊張就無可避免架啦。
１０．常見魚病同治療方法，唔o係度抄抄貼貼啦，請自行參考：〔http://210.60.224.9/~s92/103/07/sick.htm〕
１１．你有講魚缸 setup，初步睇肯定同超養有關；但你冇講日常管理，換水、入魚速度、入缸前對溫對水功夫有冇做足、揀魚有冇揀著病魚亦唔知，冇法子明確斷症。以下係我一個舊答案，有日常管理方法，由於超左字數，分段補充（附 link 一條供參考）：
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
http://hk.knowledge.yahoo.com/question/question?qid=7007100802243
＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

１．不應超養，一升水約養長度 1cm o既魚，因為魚o既屎尿都係有氮化物如阿摩尼亞，呢ｄ係有毒物質，水多就可以稀釋，但魚多的話，濃度就會增加得快，高到一個水平就會毒死魚。所以超養真係有性命危險。

濾水器要有生物環同生化棉，因為呢ｄ濾材有大o既表面面積俾硝化菌附著。硝化菌會將水中o既阿摩尼亞變成冇咁強毒性o既硝酸鹽，所以濾水器容納o既生物環愈多愈好，等硝化系統多ｄ菌住o係度。

濾水器o既作用，係用泵不斷將水泵過濾材，等硝化菌不斷處理廢料，最少一個鐘將全缸水循環六次。




2008-05-09 23:19:53 補充：
２．新缸其實入水後要任由運作濾水器運作一斷時間先會培養到足夠硝化菌，開始時只加一兩條魚，等佢地o既大小二便俾食物硝化菌，一兩個星期後，ｄ魚唔死，就表示硝化菌數量足夠，然後先可以慢慢逐少加魚。

2008-05-09 23:20:12 補充：
３．新手大忌係立亂買魚，唔知魚性結果買埋藍斑馬、小王子呢ｄ惡魚；九角龍呢類食魚仔o既魚；仲有會大到成尺長o既琵琶。買魚前研究清楚，可以去討論區問下人，或上網／睇書搵下資料，千祈唔好問售貨員，多數撞板。

仲有，唔好貪得意，又買ｄ龍蝦、龜、蠑螈入缸。魚還魚，蝦就要買水草蝦，幾蚊包o個ｄ蝦有對大鉗，會捉魚食架！亦唔好買紅白色靚蝦養，一來貴，二來被魚啄你就揼心口啦。

另外就係買左病魚。新魚有病，會搞到成缸瘟疫，所以買魚要揀清楚，摺埋鰭／尾，同缸有死／病，身上有爛尾／鰭／白點／一舊發霉狀白色物體／身上一片白左色／魚眼浮腫，都要忍手唔好要。

2008-05-09 23:20:22 補充：
另外，唔好貪平買袋裝魚。袋裝魚一般死亡率高，因為你唔知佢入左袋幾耐，剛入袋都可能係一有貨到就即入，舟車勞頓，身體係會差ｄ。所以最好唔好買袋裝魚，特別係個袋冇乜氣，水唔清，魚唔精神o個ｄ。

買左後，要原袋放入缸五至十分鐘，等袋中水溫同魚缸水一樣。呢個步驟叫做對溫。

然後，可以先倒去袋中部份o既水（如倒到剩返四份一袋，但當然要視乎袋size 同魚o既數目），再慢慢加入魚缸水，加完隔五分鐘再加ｄ，等魚適應魚缸水質。呢個步驟叫做對水。加到係原袋水o既約三倍，然後將魚撈出入缸，袋水唔要，以免有病菌。

2008-05-09 23:20:28 補充：
５．平日管理，換水一星期最少一次，如上所述，要養水。大缸養唔到咁多水，你咁細個缸就唔好懶啦。每次換水量為一半至三份一缸。重點係集中吸缸底ｄ屎／屎粉。可以買一個手動泵去吸。換水時可以將過濾器o既濾材用抽出o既水沖一沖，等ｄ大粒o既垃圾清走即可，千萬唔好用水喉水，因為氯氣殺菌。白濾棉唔一定要換，黑哂先多菌呀！一樣用舊水沖下就得啦。 夏天天氣熱，缸唔好放o係太陽晒到o既地方，除左生青苔之外，會煲魚湯。注意水溫，如果到３０ｃ就要買個夾缸邊o既風扇４５度角吹住水面降溫。

第一魚上水吸氣,唔係代表氧氣不足.
係代表你魚缸毒素過多.
因為你消化菌未完成.要有一定菌先ok.
魚係有屎尿,同其定吃剩食物,壞了水草等等.
都會產生毒素,叫阿摩尼亞.
咁消化菌以阿摩尼亞為食物.咁魚缸毒素就
會低了.咁就可以比魚隻生存.
菌係兩星期開始會成形.所以一開始就唔會買
咁多魚,最好先買一兩條,過兩星期再加一二條.
慢慢咁加.等菌一路路增長.咁魚缸毒素就唔會高.
要一星期定時換水一次,換水d水記得留過夜.
咁就會自動去除綠.(綠氣係會剎死消化菌)
開燈要定時,魚有生理時鐘.記得
水溫可以低返d當然最好,可加風扇.

問:以上配備有冇咩問題?
答:冇問題

問:水流會唔會影響魚仔直接或間接健康? 例如滋擾休息
答:水流太勁會令到條魚游水辛苦d

問:聽講佢地要 26 度左右, 宜家 29 度會唔會太熱?
答:會,通常水溫咁高都係用黎醫白點


問:餵佢地, 日光燈總係食得快過藍眼燈, 添多 d 又驚日光燈飽死, 唔添又驚藍眼燈餓死, 會唔會有咁 ge 問題?
答:有問題

問:如果有 (4) ge 問題, 應該點解決?
答:試下慢慢落魚糧,跟住等晒所有係水面就可以落啦～我都係咁*=]

問:餵每糧其實幾耐一次, 幾多先最好? 我宜家用微粒, 一小包 10g
答:一條魚平均食20~30粒魚糧,分開2~3次喂

問:魚仔會唔會因為密度太高而死?
答:應該會,要小心

問:成日有 d 魚仔會啄其他魚仔, 如果係攻擊, 受害o個條魚仔會唔會因為咁而死?
答:睇下係玩玩下定係真係打架先.因為你果d魚都係混養魚,唔會打架.可能只係玩下捉迷藏.

問:. 如果每晚熄燈無定時, 例如今晚 12 點, 聽晚 2 點, 後晚 1 點, 魚仔會唔會唔慣而死?
答:如果係差唔多時間就５會,但係如果有好大分別就會有機會死

問:如果佢地病左, 點先睇得出 or 點醫?
答:每條魚有病都會有好大分別,一睇就睇得出.跟住你可以買本魚書,睇下係咩病再落藥

問:根據各位分析, 我 d 魚仔點解會死?
答:應該係未"識"應地方,or係水質差.你養果d魚都係比較難養.

2008-05-10 09:57:45 補充：
如果密渡太高會令魚死.因為d魚精神緊張.