什麼是傳媒？

「傳媒」係「傳播媒介」既簡稱, 既係一個傳遞不同訊息俾我地地既媒介。



大眾傳媒係傳媒既一種, 係一d 比較大眾化, 市場佔有率高, 多為普羅大眾接受或採用其消息既傳媒, 例如tvb, 亞視, 東方, 明報, bbc, Reuters 等.



至於何謂非大眾傳媒既傳媒? 就好似獨立媒體(http://www.inmediahk.net/public/index) , 佢地比較「小眾」, 非主流, 但報導不會受商業決定影響, 報導方向跟編輯手法與大眾傳媒有所不同, 其他非主流媒體可見 http://www.inmediahk.net/files/links/



ps: 大紀元(http://www.epochtw.com/) 亦可作為非主流媒體的一個例子



大眾傳媒有好多種，一般我地認識既都係報紙、雜誌、電視、電台咁...



大眾傳媒好就係好在佢地講說話有人聽...尤其係電視同報紙既報導更具權威性。大眾傳媒對於商品更加係好，好似傳受一o的文化既意識咁，瘦身文化就係一個好例子，由大眾傳媒做起...近年香港瘦身文化一出，個個男既女既老既嫩既都話要減肥要瘦身...為既...只係唔想比人話一句，肥！本來肥瘦係睇BMI，因應每個人既身高體型去畫分既，但係就係因為瘦身文化比傳媒吹起左，個個都係咁減係咁減。明星效應，呢個就係傳媒做成既...



壞既地方實在有好多...點解而家從事歌影既藝人對傳媒有咁多控訴？因為都係狗仔隊既出現，佢地令到藝人冇私人，冇朋友，無論做緊野定係係屋企都會提心吊膽，怕有咩比人影左出黎，第日見報就唔係人咁品...但有求先會有供。



點解而家咁多狗仔隊去追防或偷拍藝人？都係因為觀眾想睇，想知，佢地先會咁做。試問一下做傳媒既朋友，有幾多個真係樂於做呢o的咁既事，當然十件追到影到既，可能有七八件都係假，影到既只係部份既事實。市場競爭大，唔寫誇張失實既野，又邊會有咁多人去睇，冇人睇邊會有人肯落廣告，報紙雜誌點生存？佢地亦有佢地既難處...



當然我地唔可以忘記，大眾傳媒本來佢地既位置，就係要話比大眾知一o的野，一o的係影響到大多數人或事、觀眾想知、切身既、震撼力強既等等既事，當然係真係假，傳媒亦有留低底線比觀眾去審批，只係而家我地作為觀眾既，將佢地一寫出黎既野就信以為真...



不如大家諗一諗，其實傳媒而家既責任係邊？相信問十個有過半數都認為大眾傳媒既評假應該要比負分...但係我個人認為...有求先有供，責任係雙方既...所以今時今日既大眾傳媒所為，作為觀眾既亦係幫兇之一...