天呀! 我係基督徒, 但又好似係lesbian...help!!

大家分享下吧
都給所有自認是同性戀的基督徒看

其實不知道你的年齡
但是真的, 年少時性格未成形
好易受身邊的人事物影響
會有這些感覺的不只你一人
所以首先不用自悲
很正常的

再來是最好找一位你信任的牧者傾訴,
因為事情說出來總比不說出來好
而且如果不說出來
自己會受很大的壓力
四面八方的壓力會影響你的成長

找牧者的原因是因為他的神學知識比人多
意見應該是正面的而且較合神的心意
但是千萬不要有反叛的心態
他們都是愛你而且想幫你的

之後你要想想自己出生背景
在身邊發生的事,
是不是有什麼原因導致你有這想法呢?

近年來社會風氣鼓吹自由風
有自由是好
但經上記著說:{沒有異象,民就放肆}
神創造男女有原本各為其職的心意
肢體各按其職原是好的
比如手不能做口
腳不能聽
眼不能說話

愛神就要多看點靈修書^^
才能成長喔
為你祈禱

樓上已經錯左啦! 神有講過同性戀唔得, 唔係教會d人自己作出黎
羅馬書都有話男同男一齊發生關係係罪, 可見同性戀係有問題

其實無話有無天生同性戀, 只不過可能係性格上的影響
加上你現在係青春期, 擾亂到性取向有咩唔正常? 好多人都係咁!
遲D你去到廿歲度個陣, 好多人的性取向通常都變番異性戀
所以你唔洗咁緊張, 我覺得你有心去愛神, 亦都知道神唔鍾意同性戀的行為, 即係你都有反省, 唔需要擔心。
同埋呢D野係慢慢黎, 唔係叫你一停就要停晒所有的行為。反而一步一步咁做, 加上多D禱告, 藉住聖靈同埋神的力量, 你的心會得到感動的。
我唔係話反對同性戀, 但係我覺得同性戀真係唔係幾好的行為囉!
加上你係基督徒, 你應該都要明辨是非, 知道做呢D野神喜唔喜悅
你諗下啦, 你都知神愛你, 好包容人, 如果佢見到你做一D咁GE野佢唔開心GE, 佢會好傷心... 如果唔係佢都唔洗俾獨生子耶穌黎免我地的罪, 提醒我地。


做基督徒係要有付出GE
我都知道做一個基督徒係幾難, 事事都要跟住聖經的旨意等等
但係講真, 聖經入面俾我地的旨意都係善的, 同埋都係神愛我地先會俾我地的警告。
如果你係愛神, 你好應該付出多D

2008-05-12 09:34:08 補充：
lkinhung2003 :
神係愛我地, 但係佢會包容我地的罪, 不過只適用起之前
如果你以神愛你為藉口, 不斷犯罪, 這樣神不會傷心嗎?
人沒可能不犯罪, 而且就算信了神都會有, 但是要藉著祂得求
或許樓主這個是神給她的一個考驗, 讓你藉著神去渡過, 去得到見證和經歷

神是愛我們, 不會放棄我們
但不等同祂沒有公義, 不斷接受我們犯罪。
只是祂會不斷給我們見證, 讓我們藉著祂得求!

你必須要決擇揀神定揀鍾意同性，因為神是不容許同性戀，神造男造女是有一定的目的，絕對不能違反。

2008-05-09 23:55:43 補充：
我唔知點解你想做男仔，我覺得你係想做男仔多過同性戀，你唔鍾意做女仔你可以去變性，很多人都是這樣。同性戀就一定唔得，但神容唔容許變性就唔知。

2008-05-09 23:58:30 補充：
唔知點解多左個補充

想請問你幾大呢?因為你要知道性向係會隨著你既年寧改變
可能細個會易d有對同性既錯覺
當然我亦唔可以話你一定係les定唔係
本人同你既處境一樣
一樣係一個tb 亦都係一個基督徙
都已經維持左兩年左右
咁一開始我就係因為我既性向而放棄神離開神
但慢慢 並唔係因為我唔愛個女仔
反而係更愛 我掉番轉頭為神放低個個女仔
雖然係好困難好痛苦 亦都係唔想
但我知神唔鐘意唔喜悅 同埋神會安排最好既俾我
所以我依家一直都係學會放手唔再諗 迫自己
本人係tb 教會小組知組長知牧者知
而我亦都相信教會其他既人睇我打扮衣著都一定知
你要選擇做TB 要面對教會既人 出面既人點睇你 有時都會好大壓力
幸好我教會雖然是不讚承同性戀 但每一個人對我都好好
相處亦冇問題 只是有時聽道間中講同性戀 會幾尷尬
我都有同身邊既朋友傾下 所以我都覺得你都應該搵下一d你信得過既人傾
咁你會冇咁大壓力 又會開心d 唔洗一個人面對咁痛苦
到依家你問我鐘唔鐘意個個女仔 我可以話好鐘意好鐘意
因為曾經我付出過好多 亦都愛到可以為佢死 想同佢一生一世
有機會起埋一齊就去其他國家結婚 領養小朋友等等
不過因為神 令我改變左
而我亦都相信 只要你有心改同放低
神一定會幫你 令你改變
祈禱吧 祝福你

非常建議你同你基督徒miss傾(或者你既牧者)，一齊搵出解決方法，佢會諒解你，因為基督徒都不過係普通人，都會遇到困難
你而家好辛苦，因為價值觀同自己行為不一

而且你需要確立下自己係咪真係"天生"同性戀，會唔會係成長過程中遇到既問題等等

繼續讀經祈禱，因為神會"照"住佢既兒女

你應該容納自己，每個人都有特別，這是神創造的， 神唔鐘意同性戀,但佢卻把你創造成這樣，你不用抑壓，不用痛苦，你是神創造的，你跟平常人沒多大分別！

有好多教會會排擠甚至趕走同性戀者, 但神從無話過唔鍾意同性戀(唔信你睇下聖經有無D既經文?), 教會唔能夠代表神. 你諗下, 幾十年前同性戀重係被認為係一種精神病, 要接受藥物甚至電擊治療, 如果從依個角度睇, 神連麻瘋病人都會醫, 會幫佢洗腳, 神又點會唔愛你, 放棄你呢. 不過你可能要先接受一D輔導同評估, 肯定一下你自己係唔係真係同性戀者, 因為部份, 特別係女同性戀者並唔係真係LESBIAN, 只係因為佢地讀女校或者一D童年經歷, 令佢地既性心理發展異常左, 輔導之後可能會直番. 但如果你真係係, 你應該接受自己, 尋求如香港女同盟會等的協助, 我同你講, 有一間教會叫做基恩, 電話係21423595, 佢地專門幫同性戀基督徒, 可能可以幫你. 另你的老師如果不是一個好開明同埋有SENSE既人, 最好就唔好同佢講, 免得你更大壓力. 要傾, 都搵一個陌生既輔導員啦, 例如突破就有收費便宜既基督徒輔導服務.

應該要找信得過既人傾訴啦..
例如你指果位老師, 牧者或者你教會的朋友... 你的教友相信應該會為你保守秘密同禱告的。(若你對以上的人都有所保留, 可以尋找輔導員都可以)

另外都須要為自己多作出禱告吧.. 主給賜人類給男女共存一定有目的的。 否則世界怎會繼續呢?

亦要為此想法找出源頭吧, 如家庭背景, 朋友傷害, 感情傷害, 年齡等等... 很多原因的。否則不能完全解決啊...

不要抑壓自己的情緒, 須要找人協助... 若不解決你會很辛苦的啊...

祝福你希望你的問題能盡快解決吧.....