阿爸成日咁講: 曹操有知心友! 關公有對頭人! 其實這句話真正意思係乜野 ?

曹操係挾天子以令諸侯ge不忠臣子，係歷史上係奸臣，係人ge代表，
就算係天下最不忠，被萬人所指，遺臭萬年ge人都會有自己ge知心友。
而關公係三國入面，係正義ge化身，義薄雲天，係忠ge代表，佢為後世人所專崇，黑社會、警察、做生意...都會拜關公。一個正義ge代表都唔會得到全世界人ge心，佢一樣有對頭人，敵人，想佢死ge人。

其實每人都會有人賞識，有人唔識同，唔會有人會得到全世界，就算做到最好，亦會有人挑剔你，你認為最差ge人亦會有人懂得賞識。
唔好太計較別人ge眼光。
你爸爸好世故，亦好懂得做人ge道理，ge樣做人係會開心d。

呢句說詁的真正意思係做人只要做好自己的本份,唔需要委曲求全去迎合別人!
因為每個人的要求都唔同,你點樣遷就都一樣會順得哥情失嫂意,唔可能全世界都覺得你最好喎!
所以好似曹操咁奸人人都話佢衰的人,但都一樣有知心朋友!
而好似關公咁人人稱讚忠肝義膽的人,都一樣有唔喜歡佢的對頭人!
你爸爸的意思希望你做人要盡心為自己做到最好就得了,唔好為了迎合別人的意思而迷失方向!