好多問題 覺得自己真係好差 好down

我係男仔
我諗番以前讀中學時都有類似你既情況
即係我鍾意打波, 同男仔啱玩d, 唔係好多女仔朋友
可能我性格都係平和好靜
好少主動同異性溝通
咁女仔見到我咁cool, 都未必敢行埋黎認識我
二來可能咁樣令到我越黎越怕同女仔相處
就好似惡性循環
要解決都係從溝通著手
行過都當見唔到係最差既情況
人地唔黎識你, 唯有自己做主動同人講野
由簡單見面say hi 打招呼開始
留意下人地, 搵d 野繼續傾
例如見到人地有d 得意野, 買下佢喺邊度買點樣整
見到人地損左, 問下佢點整傷, 關心下
諗唔到乜野, 講呀sir 呀miss 既搞笑野, 就算講新聞, 講天氣都好過冇
有時分享下自己既感覺
好多野只要有個開頭, 隨意繼續發揮就得
另外, 交朋友最重要係有誠意和信任
除非你會睇唔起d成績差既人
否則成績唔會影響人際關係
如果人地請教你功課, 你仲可以幫下人

至於參加課外活動
一定要自己有興趣想學
你自己鍾意乜野係你個人既事
唔好同人比較
唔係要人有我有
因為玩得課外活動就要作出取捨
可能會少左時間做其他野
如果係冇興趣, 又影響埋你學業, 咁就真係浪費時間
相反, 你搵到想玩既野, 投入去玩, 除左滿足自己, 仲會識到多d 志趣相投既朋友

首先,跟男同學找不到話題不要緊,只要留意一下他們的熱門話題,然後投其所好便可以了。

至於課外活動請盡量參與,因為對妳將來出來找工作是絕對有幫助的。

只要妳覺得自己有興趣而又不會半途而廢的,妳都可以參加。