商科一問讀大學的商科有咩條件?

如果單以收生成績計, 就算收生成績最差大學的收生成績都唔低. 以嶺大為例. 我之前見工見到一位2007年入讀嶺大會計同學的高考成績, 是兩科語文都是D, 兩科AL是BD/BE, 另外一科AS好像是C. 所以就算你有一科C(或者再加多一科語文以外的AS C), 已經不是必入商科的保證. 收生成績較為中間的理大及港大, 想入都要考到起碼2-3個B或以上, 其餘C或以上, 語文科有D或以上先叫多D機會入. 如果你想入科大或中大商科(環球商業除外), 高考考到一兩科A差唔多係必須, 最好英文科有C或以上. 有D就算你得1-2C都會收, 但英文科係考到A-B, 或者會考考得好高分. 讀環球商業就起碼高考要有兩科A, 英文一定要C或以上.

唔好以為讀完商科一定搵到好高人工, 商科畢業生入職薪酬其實好極端化. 有D只係幾千元一個月, 試過一年調查話有港大財務系畢業生只有$5,000月薪. 入四大會計師樓做會計到係大約一萬一千幾一個月. 做管理見習生都係大約一萬幾一個月, 有部分銀行會出18,000一個月. 起國際性顧問公司做有二萬多一個月. 年薪500,000一般係投資銀行做分析. FRESH GRAD年薪一百萬(一般係投資銀行做, 呢個數包埋花紅及認股權)係好極端例子, 就算三大都係極少畢業生可以一入職就咁高人工.