(請問)我有家人去世..習俗上唔去得人地屋企幾耐架?

👨🏻‍🏫 學術台禮儀

king yip

2008-05-08 11:34 pm

如題...
1)我去世的家人是老人家.唔係同我住.咁我上人地屋企,習俗上係會影響到o個家人既全部人定係o個家人既老人家?
2)如果係老人家...咁我去o個家人屋企..o個家人個老人家唔係住o個到有冇影響?
3)就當佢係對全家人都唔好..但係唔係先人已入土..就去得人地屋企?
4)頭7會唔會有關係?
5)e個習俗會唔會仲有d咩要留意..有冇人可以詳細d咁講解下..唔該!

回答 (6)

用戶233986

2008-05-09 12:04 am

✔ 最佳答案

雖然我都覺得呢d係迷信的習俗，但係有d人仍然好信呢樣野，所以去人地屋企前最好同屋主講聲：「屋企有白事，唔係咁方便」。如果人地話唔怕，咁你先上去，費時遲d人地屋企有咩頭暈生興，就思疑係你帶d衰運比佢。一般來講，「脫孝」之前都唔去得人地度。

👍 0 👎 0

用戶4939

2008-05-14 3:52 am

1) 影響o個家人嘅家運﹐亦即係全屋人。咁一家人行霉運當然有機會影響埋佢d老人家... 不過主要都係影響住o係o個間屋嘅人

2) 唔同住都有可能影響到﹐不過較輕微

3) 唔係﹐視乎你幾時脫服。原則上脫服後就可以去人屋企﹐但為左避免朋友(或其家人)介意﹐最好等先人去世後30日﹐或過左七七(去世後49日)﹐再拜訪人家

4) 唔會! 頭七多數係出殯前﹐出殯前一定唔脫得服。一日未脫服即係喪事未完﹐拜訪人屋企始終都唔好嘅(如果人地介意嘅話)

最緊要係人地同你自己都唔介意“霉運”依樣野。如果真係咁擔心咪等過左七七﹐甚至百日(先人過世後100日)先去人屋企囉!

七七又稱尾七﹐即係最後一個七﹐過埋七七就唔會有問題架喇!

👍 0 👎 0