✔ 最佳答案
咁就要睇下你去咩場合喇!其實牛記+t-shirt 都可以好型架,最緊要係青春無敵嘛!^.^~
仲有就係你約o既女仔係咩類型架,而佢又喜歡咩類o既男仔你又知嘛?事先對佢做少少觀察,呢啲都係功課之一嚟架!
第一個choie:
如果係普通行下街的話,t-shirt 牛仔褲都得架喇!如果想特出啲,你咪買啲有牌子,有款少少的 t-shirt 和牛仔褲囉!e.g. Quicksliver, Chevigon, Levis...如果想平啲o既,可以 Giordano, Bossini.....
第二個choie:
唔著t-shirt都得,可以試下polo tee,望落去都斯文架!
仲有,如果你膚色深,就著返啲淺色o既衫,因為膚色深又著深色衫,會顯得個人好陰沉!
最後而且最緊要就係整潔,例如:對鞋平或者唔靚都唔緊要,但係就一定唔可以烏捽捽!指甲唔可有黑邊,頭髮唔好太長,因為短髮望落去會精神啲,但係如果長髮係你o既style就另計,不過都要洗頭,唔好好似用萬金油gel咗頭咁。
其想成熟啲唔係只靠外表架!表現都好緊要架,做男仔有風度會win好多分架!
例如,女仔買咗好多嘢幫手拎… …排隊讓女仔先呀……但又駛太做作,如果佢買咗好少嘢就唔駛夾硬、死都要幫佢拎,因為有時太過欣勤會嚇怕個女仔架…… hehehe 如果覺得麻煩就算啦~ 畢竟風度呢架嘢唔係一朝一夕能學會的!
希望可以幫到你啦~~ 祝 約會愉快!^.^~