可以去邊剝橫生智慧齒??

我下排有兩隻橫生智慧齒﹐兩隻牙都生得大﹐其中一隻成日“作發炎”。醫生寫紙俾我去東區醫院剝﹐因為我一向睇政府牙科(屋企有人係公務員)﹐所以轉介比較方便。

去到東區先發現轉介左我去口腔矯型外科嘅部門。當值醫生同我檢查﹐話一次過剝晒兩邊智慧齒要全身麻醉。我決定剝﹐排期10個月後做手術。

10個月後我去東區報到﹐我入左病房換晒病人衫等醫生。等待期間發覺其他病人真係有口腔或下鄂矯型需要﹐但係冇人要全身麻醉 -- 除左我... 我個心就開始怕。

等左一陣有個醫生拎住我份病歷過黎﹐鄒晒眉頭問我係唔係淨係剝牙﹐又問我邊個轉介我過黎。佢話為剝牙而全身麻醉好唔值﹐不過個決定權o係我自己度。我見個醫生都唔願同我做﹐又好驚全麻﹐選擇出院。

我去返政府牙科覆診﹐醫生好奇怪點解東區唔同我剝。好彩個醫生好人肯幫我剝。因為我有一隻智慧齒係完全冇發炎﹐醫生建議先剝發炎o個隻﹐少左隻牙d位鬆動左﹐對整排牙會好d。

由於隻牙被牙肉包到實﹐醫生要切開牙肉﹐將隻牙切開兩邊再逐塊拎出黎。個手術歷時個多小時﹐逢左3針﹐1個星期後拆線。

手術後剝左牙個位變成一個大血洞﹐經過3-5個月時間﹐舊牙骨先慢慢生返出黎。

剝左一隻牙之後棚牙係鬆左﹐另一隻橫生智慧齒都露出黎多左﹐至今冇發過炎﹐5年來都好好。


~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

私家醫生要證明個病人嘅手術一定要o係公立醫院做﹐先可以轉介到﹔由政府轉介入公立醫院會易d。

如果你隻牙冇事冇幹﹐私家醫生都唔建議你剝﹐公立醫院更加唔會收你。

如果你隻牙開始發炎﹐你未必等到排期10個月(或更久)去剝牙。就算入左院都可能掃你出院﹐叫你去返私家睇(因為剝牙真係冇必要o係矯型外科做)。

去菲臘牙科整牙應該唔使轉介信﹐你以病人身份求診就ok。我唔sure佢有冇冇依種剝牙服務﹐你查清楚先。

以我嘅經驗... 橫生智慧齒唔一定要剝。講真﹐剝隻咁大嘅牙﹐又要“界”開d牙肉... 真係幾辛苦... 所以淨返o個隻冇發炎我都唔打算剝。

你唔一定兩邊剝晒﹐考慮下逐隻剝﹐唔使全身麻醉﹐剝左之後第二隻又會鬆動d﹐發炎機會都細d。

其實剝智慧齒都有一定危險﹐如果隻牙近神經線﹐手術後有機會整個牙齩失去知覺(或更嚴重)。一定要照過X光確定冇危險先去剝﹐最好照圍住個頭360度轉一圈o個種X光啦! 我睇過佢同傳統牙科兩種result﹐360度o個隻真係清楚好多。
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
我識有兩個牙醫都好pro:

陳怡茂醫生 - 收得幾貴﹐全套洗牙(包: 口氣測試﹑floride護齒﹑洗牙﹑清牙石)收$5XX up。

陳怡茂牙科醫務中心
佐敦地址：九龍油麻地彌敦道335號(高怡醫務中心)2樓A室
電 話：2332-9334 (敬請預約)

荃灣地址：新界葵涌石蔭路75號金祿樓2樓
電 話：2429-3666 (敬請預約)

西灣河地址：香港筲箕灣道30-36號捷利商業大廈1字樓4室
電 話：2567-1887 (敬請預約)

銅鑼灣地址：香港灣仔軒尼詩道438-444號金鵝商業大廈17樓A室
電 話：2838-9994 (敬請預約)

周明忠醫生都唔錯﹐佢o係港大牙科教。普通洗牙一次好似唔使$200﹐照360度X光收$3XX一張。你最好去佢中環個診所﹐設備齊d。
周明忠
中環畢打街1號中建大廈1302室
Tel: 2868 9590 Fax: 2868 9597
Email: [email protected]
Type of practice: 私家執業 - 牙齒矯正科專科醫生

柴灣柴灣道350號樂軒台 412號舖
Tel: 2975 0688 Fax: 28689590
Email: [email protected]
Type of practice: 私家執業 - 牙齒矯正科專科醫生

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
俾d我隻牙嘅相你睇:
1) 好大隻牙


圖片參考：http://hk.share.geocities.com/monique_sham/DSCN1500.JPG



圖片參考：http://hk.share.geocities.com/monique_sham/DSCN1501.JPG


2) 未剝前橫臥形態(位於右邊下排牙齒最末處)

圖片參考：http://hk.share.geocities.com/monique_sham/DSCN1503.JPG


3) 割開包住牙齒嘅牙肉﹐破開牙齒成兩塊碎片﹐先夠位取出 (切割位有一元硬幣咁厚)

圖片參考：http://hk.geocities.com/monique_sham/DSCN1506.JPG


4) 切割後分成兩邊

圖片參考：http://hk.share.geocities.com/monique_sham/DSCN1507.JPG

這是一個有良心的提議,非常正確。
有朋友因智慧牙痛找牙醫,同樣不肯為他剥掉。
他痛得要命,不顧一切,找個無牌牙醫為他剥掉。後患是因無牌牙醫沒有透過X光檢查而盲目地強行去剥,故而傷了“三叉神經”。從此日 日牙痛(剥傷部位)。長年要服止痛葯。
故此切勿掉以輕心,前車可鑑啊。

我都係打橫生,

不過我排政府,

剝哂兩隻都係幾百蚊!!!

如果你唔急都可以排下!!

剝橫生智慧齒唔一定要去醫院既....
依家好多專科都可以做到架啦.....
我有朋友去剝橫生智慧齒 2 隻剝哂....打埋植物麻醉
都唔使 $ 9000 .....

我比個專科醫生電話你....你打去問下啦....

徐興中醫生
電話 : 28084318 ( 銅鑼灣 )

我都係一樣

老實我 個牙醫都有要我剝，都又叫我剝

8000 一隻，但我睇開個doctor 都係同情況，佢就話非不必要唔好做住，因真係一個手術。

公立係無轉介唔做架，除非你雲係街，入院比佢睇到唔做唔得啦，因為公立係醫生提出先做得架。

私家啦，你再找個牙醫寫紙啦，