Insurance Problem (Urgent)

因為第三者責任險其實係保障物主 / 事主既法律責任。即係萬一物主/事主因意外或疏忽等原因，而導致「第三者」受到金錢損失或身體損傷，「第三者」要求訴諸法律要求物主/事主作出賠償時，保險公司就可代替物主/事主賠償有關金額給「第三者」。藉此物主/事主就可減低承受法律訴訟賠償之風險！

所以萬一發生有關事故：

1. 只要係涉及賠償或追討法律責任問題，千祈唔好私自同租客 (「第三者」) 商議。因為一對賠償有咩承諾或協議，o係保險公司角度黎講，就等於當事人已承擔左有關責任，保險公司就唔會再作出任何賠償。萬大事應由保險公司代為出面商討。

2. 先安撫租客，並告之有關賠償事宜，已轉交律師及保險公司代為處理。

3. 如有買第三者責任險，可保障萬一遭遇事故時，管理公司有足夠能力賠償畀第三者，亦可給潛在租客一個信心保證。而對於租客方面，亦可擔保可取得合理賠償，減低金錢損失及節省索償時間、程序。

如冇買此種保險，當萬一遇上巨額索償時，管理公司可能因無力償還而清盤破產，或令租客、地產商對其失去信心、有損聲譽。而對租客而言，追討賠償時亦可能會出現困難，比如管理公司有機會推卸責任不願賠償，或根本無力償還。

4. 如果個租客知道由保險公司作出賠償，理應會相當合作，而不會出現此情況。

5. 如果有買第三者責任險，只要經有關方面 (保險公司、公證行)等 調查並批出賠償，就係保險公司既責任。
所以一開頭我話唔好私下同第三者商議賠償，就係因為一商議就等於承認係自己責任，保險公司就唔會再承擔有關責任 (等於唔會作出賠償)。