生日撞正守孝夜

據我所知至親過世﹐著孝係大晒﹐就算有咩生日喜慶都要讓路﹐根本唔存在相沖嘅問題。如果真係有事﹐唔單止沖到你﹐對你阿爺都有影響啦﹐師傅一定唔俾你去啦!

長子嫡孫仲要係著大孝﹐你嘅生日o係你爺爺嘅白事當前簡直係nothing. 況且有d人只係得一個仔﹐如果個仔因為生日唔出席﹐咁邊個主持d儀式?

我有個 uncle個爸爸就係o係正個長子嘅正日陰曆生日出殯﹐我uncle(長子)一樣要出現擔幡買水﹐過後都唔覺得uncle特別行衰運

我唔知你屋企點啦﹐但照舊式o個套﹐做白事o個兩日你係一定要出席﹐有好多儀式要你主持 (霍英東死都係由嫡孫擔幡買水)... 不過你屋企可能由你爸爸(長子)做晒d儀式都唔奇

老實講... 作為子孫好應該為阿爺完成最後一件事。我覺得你應該要出席﹐仲要做得體體面面。你諗下... 外人知道你因為怕阿爺沖到你而唔去靈堂﹐都會o係背後話你啦

至於你話生日o個晚唔好出夜街... 恕我未有所聞... 我只係知道你一日有孝o係身都唔可以參與任何喜慶﹐亦唔可以慶祝

你戴孝在身係大晒嘅﹐唔單止殯儀館d“朋友”唔會搞你﹐連街上面嘅“朋友”都唔會搞你。況且人不犯鬼﹐鬼不犯人﹐只要你唔係口多多﹑手多多﹐保持“尊重”嘅心態﹐心入面諗住只係想為爺爺辦妥最後一件事﹐就算o係殯儀館出入都唔會有問題

我想他是你爺爺,我相信無論以後怎樣他也會守護你的,不用太擔心吧,現在是你最後能對他盡孝的時候,如果你不去就以後都沒有機會這是可以肯定的,以後的事誰也不知道,但不去的話,會不會後悔你自己最清楚!如果我是你的話,我什麼都不會想,生日呀,撞咩呀,什麼都不怕,最重要是盡自己責任陪他走完最後一段路吧!

你都識講你係長子嫡孫．．
講真．．．
亞爺出殯你都唔去既話，點止衰幾年？

是自己的親人，當然是沒有問題了！因為是百無禁忌的！而且，他是你的爺爺，又怎會想你唔好呢？