[20分]急．．！比蚤咬．．．如何預防同解決？

１．蚤既特性？

蚤左右兩側扁平, 善於跳躍, 體長約1mm. 鼠蚤是在老鼠出沒的地方內發現的
另外虱也是一種吸血的寄生蟲, 但蟲身背腹扁平, 不善跳躍, 從卵到成蟲都不會離開寄主. 在人體寄生的主要是頭髮內的頭虱, 陰部內的耻陰虱及衣物間的人體虱. 近年香港已經少有聽聞有虱出現.

臭蟲俗稱木虱, 背腹扁平呈圓形, 體長約2mm, 日間匿藏在家居的縫隙中, 晚間爬出來吸血, 蟲卵常粘附在成蟲匿藏的地方, 如床板, 家俱及家居縫隙裏. 治臭蟲時除噴灑殺蟲劑外可在家居的縫隙灑上熱水燙死蟲卵.

在潮濕的季節, 牆身容易發酶, 經常會發現一群群體長約2mm的牆虱在活動, 其實這是一種囓蟲目的小昆蟲, 不會咬人, 以藻類或菌類為食, 有些會飛, 但大多數的翅退化. 只要保持室內環境乾爽, 它們便會消失.


２．　如果要滅蚤，應該用咩方法？
　　　如果屋企人唔想用滅蚤噴霧（對身體唔好ｗｏｒ），仲可以有咩方法？

滅蚤噴霧最好嗰囉喎 , 幾個鐘就散咖勒 , 嗰日全家出晒街咪得囉

我以前試過用一隻叫 保以剋既滅蟲劑 ( 超市有得賣 ) 好安全 , 對人無害 , 因為只對冷血既嘢有害 , 除非你冷血既啫 ..... 哈哈 .....
不過呢隻嘢殺唔晒咖 , 嗰陣我瞓上格床 , 有嘢咬 , 我買左黎噴 , 無晒囉 , 不過有o的死唔去 , 走左落下格床咬我家姐 ... 哈哈 ....
攪到我俾人鬧 , 仲俾人攞埋支嘢 ....


３．　當有蚤咬時，除左要多洗床單被單同毛巾之外，ｄ衫要唔要洗埋一份呢？

最好洗埋啦 , 佢地都會藏喺o的衫度


４．　通常比蚤咬要等幾耐先好番？

好難好咖 , 過左一兩日之後 , 你以為好返 , 點知佢又返發 ( 我成日都係咁 .... )

唯有 keep 住查o的止痕既嘢 , 等自己唔好 R 損佢


５．　有ｄ已經唔痕了．．但個印都未去．．
　　　ｄ印係咪要好長時間先消架？
　　　坊間有冇咩去印膏可以用？

正常佢好返就無左O的紅印咖勒 , ( 除非你 R 損左 ) 未退既話可能會返發

我自己嗰O的呢 , 通常發兩三次先消

我用過 喜療妥 囉 , 肯 勤力O的KEEP 住用 , 都 OK 既


６．　請問仲有冇咩方法可以預防ｄ蚤０係屋度繁殖呢？
　　　順帶一問．．毛公仔係咪都惹蚤架？（家人丟哂ｄ大毛公仔．．）

毛公仔超惹蚤 .....
要狠O的 , 最好叫O的滅蟲公司上黎攪一次先
跟住自己 KEEP 住屋企O的清潔做好O的
用O的消毒既嘢拖地 , 得閒抺多O的塵
買O的滅蚊滅蚤嗰O的燈
放O的甴曱藥呀咁囉 , 我屋企之前放左個 , 甴曱就捉唔到勒
但有好多 蚤屍囉 , 好恐怖

我之前用左好多方法，滅蚤煙霧，滅蚤粉，保而剋殺蟲劑，但瞓喺張床始終好似有野咬甘，特然又吉一吉，最後我買左部蒸氣機，成張床，衫，被，枕頭，總之有機會有蚤的地方用高温蒸氣蒸，效果出乎意料，非常好，之後一有小小野咬就攞黎蒸蒸佢，始終有機會蒸唔到D蚤，蒸多幾次後已經再冇吉一吉的感覺，最好買大火力D，蒸氣足D同埋會噴得遠D，點解甘講，因為我之前冇再比蚤咬一段時間，搬屋所以比左朋友，後來前幾日又好似D蚤唔知喺邊野返黎，所以我又買左個1800w蒸氣機返嚟,感覺真係比我之前用2200w的差很遠，所以買大D穩陣。

蝨嘅特性就係吸血,吸過血嘅地方會非常痕癢,你唔想用殺蝨彈,可以用BOI KILL殺蟲水,因無色無臭,我而家都用緊,覺得唔錯,我d狗狗都可以噴,被蝨咬完可以用消毒火酒搽患處,可以即刻止痕,d印唔退,可能係你個循環系統唔係咁好喇.用沙薑粉可以驅走跳蝨,可以一試.希望幫到你啦.^^

家中如果有蚤咬的問題所困，這個時候就可以在出門前，把床邊的小檯燈打開，在檯燈的下面放上一塊抓蟑螂的黏貼紙，這時因為跳蚤有趨光性就會往燈火處跳去，這樣自然就可以抓到許多跳蚤了。

如果係沙蝨，可以用漂白水來開水拖地，就可以殺死沙蝨。

或

沙 薑 粉

如果家中有養寵物，可能會有跳蚤，每晚被咬醒數次，手腳有紅點。有人會用滅蚤煙霧，但如果家中養有寵物或小朋友的話，就強烈建議不要貪方便使用了，用些天然方法吧！如平日用作炮製沙薑雞的沙薑粉用於驅蚤都掂的。只要用舊襪子盛載沙薑粉，放在家中每個角落或隱蔽處就可除跳蚤的了。

如已被咬至周身「難」，可以將一小撮韭菜，切成適中的長度，放響飯碗，用菜刀柄將這些韭菜盅爛(不用盅得太碎，若然太碎的話，黐在身上會比較難執返走的！) 至出汁，用手"拿"細細撮響有痕的地方處捽，直至冇晒汁又換過另一撮，如此類推。搽完唔好抹住，等佢自然風乾。損了的地方會有少少針拮的感覺，好輕微，過一會這感覺就會消失的了。

2008-05-11 11:40:17 補充：
如果天然ge方法唔得的話，咁或者就要試用D現成ge化學防蟲產品了，以下這個網址有多種不同的防蟲產品介紹，為免賣廣告而違反yahoo服務條例，所以自己click入這個網址 - http://appledaily.atnext.com/template/apple_sub/art_main.cfm?sec_id=38163&art_id=4707666&showdate=20050304，因應著自己的情形考慮選擇不同的防蟲產品使用吧！