自願給人抱的兔仔?

我開始養兔兔時,一抱佢就跳走,因為兔兔係好敏感嘅動物,佢地係食物鏈之中,係比人臘食嘅,所以佢地一定係對人有介心.
我養嘅係賓尼兔,男仔,網頁資料講男仔比較痴人,原來係真嘅,我隻兔兔開始時,唔比我抱,後來我成日都摸佢,由得佢訓係度疏毛,之後呢.放條毛巾係腳上,抱佢上去,可以囉,佢無走,不過無耐就跳走,慢慢地,佢習慣了我,而家,煩死了,晚晚要我抱,好鬼痴身,佢而家剛剛係兩歲,佢好需要被人愛鍚,只要你比d耐伍,佢就會痴你,對你有信心,平日你多d叫佢個名,佢會用聲音feel到你鍚佢,
比心機,我都係咁,慢慢比佢接近下我....

兔兔肯唔肯比人抱~
主要視乎果隻兔仔既個性、同有無唔好既經歷咁!!
我自己個皇帝仔都一樣唔媑意比人抱
但就好鍾意比我摸
大概係因為細個時跌過落地
所以好抗拒抱上身
其實有時唔洗夾硬黎~
如果想幫佢梳毛
可以試吓先摸到佢趴低
再輕輕咁慢慢梳
有時候手勢好邊摸邊梳都仲得添!!
你可以練習吓~
絶育後我個皇帝仔的確定左同乖左
但唔係隻隻兔仔都係咁架~
一般兔仔出到外邊會比較細膽同痴身
所以出左街會易抱d
但唔建議為左要抱佢而令佢受驚

一般黎講，絕左育既兔會比較乖
當然都會有例外～
通常兔兔都唔鍾意俾人被，
有兔友幫兔梳毛係係枱上面梳，咁兔兔唔會點走，
想佢俾你抱，首先你要抱得佢舒服，
其次就係練習多D~

其實主人應有個習慣每天抱一下兔兔﹐讓他熟習一下你的呼叫﹐及氣味。但記緊不要每次因為有目的而抱起他(如剪甲﹐餵藥﹐修毛等) ﹐因為這會給他一個錯誤的訊息﹐每次主人要抱他就是會令他不安。

一段時間後﹐希望他會習慣。