✔ 最佳答案
1. 我提議你可以搵一日半日去旺角嘅銀行中心或者銅鑼灣嘅恆隆中心問吓價, 嗰到d旅行社好集中, 你可以一次過格價, 唔使逐個打電去問咁麻煩, 特別係d規模比較細嘅旅行社, 好彩有時會有d特別平嘅package。我勸你如果決定去, 就盡早confirm package, 因為七八月係旅遊旺季, 加上去日本嘅機位一向都好爆, 冇機位, 講咩都係假。住方面我提議住係新宿比較方便, 冇論係交通, 購物, 飲食都比其他地方集中。
2. 要去咩地方就視乎你嘅目的係咩喇, 究竟係觀光, shopping, 玩樂, 美食.....
如果shopping, 就必去新宿, 原宿, 池袋, 涉谷, 買手信就當然係去上野啦。玩樂就當然要去Disneyland啦, 比香港嗰個大好幾倍。觀光可以去下台場睇彩虹橋夜景, 或者係東京鐵塔。其實日本周圍都係好野食, 唔使特別去搵, 是但入一間d野食都好正架, 不過如果想特別d, 可以去吓築地市場試下新鮮剌新同壽司, 但係要超早起身囉, 不過都值得, 因為係香港係唔會有囉。如果你去晒以上嘅地方, 五日四夜已經好充實啦。