OLYMPUS E-510 所使用的濾鏡

用甚麼瀘鏡跟鏡頭直徑有關,只要呎吋啱,就能夠安裝到鏡頭上.
至於用甚麼瀘鏡視乎你想要甚麼效果,最常用的有UV瀘鏡或者偏光鏡.
UV瀘鏡可瀘走紫外光,但數碼機不受紫外光影響,UV瀘鏡實際上只係用作保護鏡.
偏光鏡則用來瀘走偏震光,例如隔走玻璃或水面反光,又或者令天空更藍.但係會有減光作用,所以不適合長期裝上.
另外仲有好多特別效果瀘鏡,例如減光鏡,星鏡,顏色鏡,漸層減光鏡等等,可跟據用途選擇.
至於廣角鏡方面其實套裝鏡14-45mm f3.5-5.6已經唔錯.想光圈大啲可以配14-54mm f2.8-3.5.
想廣角啲可以配11-22mm f2.8-3.5, 至於7-14mm f4過萬蚊實在太貴.好有錢先好考慮.
如果買11-22mm呢啲超廣角鏡,配瀘鏡最好配啲超薄既,否則有機會會影到黑角.我覺得買瀘鏡唔駛買好貴既,Hoya出既都已經唔錯.


2008-05-08 09:05:37 補充：
只要用廣角鏡近距離拍攝就可以做到大頭效果,其實14-45mm f3.5-5.6如果用14mm影都有一定效果.越廣角呢種效果越勁,視乎你可以俾幾多錢.7mm當然會好誇張.
買瀘鏡可以去西洋菜街,花園街永成,或者花園街萬成,種類好齊下.