人生好無奈, 係唔係應該去跳樓

你有勇氣面對死亡，點解無勇氣去面對你眼前嘅問題？
你得廿幾歲仔，依家應該係你嘅career起步嘅時候，你應該將啲時間去諗吓你將來點樣發展，而唔係諗住去跳樓。
請唔好喺度自怨自艾，如果入不敷支咪做多份工囉，好多人都係做兩三份工ｏ架啦，至怕你唔做啫。
如果你死咗，你家人嘅生活問題依然唔會得到解決，請你諗吓你去世對佢哋嘅打擊會有多大。
其實你post得呢條問題上嚟，我睇你應該就唔會真係行呢步嘅，廿幾歲仔，你要對將來有憧憬先至得ｏ架嘛，相信明天會更好，咁你先至會有動力去面對問題。

2008-05-16 09:33:33 補充：
請你睇吓四川地震啲報導，「想活著但不能」嗰啲先至叫做慘，啲災民俾啲瓦礫壓著都要撐著希望可以活下來，你那少少的經濟問題算得是什麼！醒醒吧！

其實你是不會選擇死的對嗎? 你知道家人失去你, 他們會更苦, 對嗎? 明白你已盡力, 或者你可以講多些你的背景資料, 要養多少人等, 一人計短, 二人計長. 我們咁多網友一定會替你找到出路的.
1. 你家中有沒有其他成員可以出來工作的人? 如太太? 太太工作的話, 是否担心子女無人睇, 可否請鄰里幫忙? 有沒有親友可以替你們照顧孩子? 可否問問你住的社區中, 有沒有託兒服務?
2. 太太是內地人嗎? 無學識嗎? 能否叫她到酒樓/麥記/做清潔等找份 part-time 幫補?
3. 你點解會令到家人捱苦呢? 你要還債? 你做什麼的, 兩份工收入多少? 我們幫你計計, 看看能否幫你減輕負担.
4. 你賺錢養家家人又怎會怪你呢? 一個家不只一個人, 每個家庭成員都應出力為家庭作貢獻, 賺錢也好做家務也好, 這樣才能容洽快樂, 點會要你一個捱呢?
記得小時候, 家中8人住300呎地方, 除了小孩, 父親全職1個養8個, 母及年老的祖母都要兼職工作, 星期六日又做兼職, 慳飲慳食, 連電視都沒有, 衣服都係穿人家不要的, 白襪白布鞋爛完又補補完再著, 兒時返學坐車, 放學行路最遠由灣仔行到筲箕灣, 有何不可! 要慳就全家一齊慳一條心, 13歲前都未去過麥記, 有問題嗎? 冷氣沒有, 用風扇或用手, 只要齊心沒有捱不過的道理. 我從來都不覺苦, 小時已知有很多人比我哋慘同苦, 所以從少就不會計較人家點想, 只會比心機讀書... 11歲我就去做 part-time 為自己賺零用錢, 這些全是事實, 可能對於你或現代的青少年來說是沒有可能, 但係真人真事, 亦不只我一個是這樣的, 所以困難係可以解決的, 記著 : "用錢可以解決的問題就不是問題" 只是時間問題吧了.
努力! 加油! 如果你想要些解困方法可再聯絡我.

其實盡了自己既責任已經好足夠,

我相信你的家人會體諒你做二份工咁辛苦不會怪責你,

其實一家人只要開開心心健健康康,

你已經是好,起碼有工開有錢,

但有好多人重慘過你他們仍然好樂觀地生存,

唔好放棄,你的家人好雖要你,

我好明白你既感受,收入吾多,你都吾想,比到幾多錢屋企就比幾多,知道你盡左力,家人會體諒你.你有出去做野,不是遊手好閒,家人已經好放心,家人知你孝順,你想改變現在的情況,就不要諗負面的事,就要諗解決方法,不如學一d專業既技能,可能改善你的生活.

要同家人溝通下,有家人既支持關心力量就番哂黎,要同佢地話你既感受,得自己一個撐住好辛苦架,不是要你怨要你呻,就算平時都同下家人傾數講下心事,不要怕羞尷尬.

因為你情緒低落左 "好耐" ,自己 "長期" 亂諗野,諗吾通,以為無方法解決到,就怨天想死,每個人都會有逆境,好多人都會長期自己收埋自己,好恐懼越諗越驚,睇吾開.

所以要主動同家人講下,你要知道家人既功能就係你最吾順境最要人關心支持既時候,家人會發揮佢地既功能,佢地吾會嫌棄同放棄自己,仲會比到你一股無形既力量你,你可以暢所欲言同佢地舒發下你內心深處既感受,吾好太抑壓你自己咩都吾講,舒發左出黎個人會舒服好多好多,同咪謙虛聽下佢地既意見.

你個心情好番d,你出去做野好辛苦,你諗番你家人都會開心.環境係不會改變,只有你去改變,所以你要長遠計劃下,同家人一齊討論下這個問題,學番一門專業有用隱定既技能,係要諗解決方法.

窮無錢係人都吾想,樂觀去面對,香港大把窮人,你有手有腳又無病,只要你同你家人健康無病無痛,吾使煩醫藥費咁已經好好.

你吾好張所有野都怪自己,窮咪努力增值自己.
家人同捱苦,問題係你家人本身係咪搵吾多,本身生活都係咁樣,咁本身都係咁樣咁不是同你捱,你又張責任怪自己.

你一定要接受哂你接受吾到既野,要好樂觀平常心正面咁想,吾好著執耿耿於懷一齊捱苦,不如自己發奮積極去爭取增值番d野,做番d實際d既事,吾好諗d不切實際既野,去解決件事,不是張件事化大.

咁問題都好,已經成事實改變吾到,只有自己心態改變,要堅強樂觀積極d,有得改變就要靠自己努力爭取.

自尊心吾好咁大,你已經盡左力,你仲後生,只要你自己去改變,之後既路就會有改變,每個人都需要人既支持關心同愛,只要有家人既力量支持,自己接受自己既不足,初初係會難受d,要堅強樂觀積極諗通去,咩諗吾通都要問家人意見,吾好鬱埋鬱埋,要去改變同解決去,改變吾到就要心態上改變.

你不是好晦,都有貴人借錢比你,度過難關,但你都知道長貧難顧,咁樣落去都吾得,所以要想辨法,不是想未發生既野同以為人地點睇自己既野,你仲大把時間去改變,一分耕耘一分收獲,無野係不勞而獲,萬事起頭難.

因你常常以為你累左你家人,所以一定要同你家你溝通下,你自己盡左力,你都要諗你自己累左人,即係想迫到你自己埋牆,這點你一定要去諗通去,一定要聽其他人意見,點解人地咁諗,你自己咁諗,係咪自己諗錯左悲觀左,反省同檢討自己同聽人意見係好重要,可以令自己有進步,你所諗既野其實你自己都吾知自己啱吾啱,所以要主動問下人聽下其他人既說話,做吾做都係自己決定.

「比唔到d好既生活家人, 真係唔知做人仲做黎做咩?」
「又怕家人生活更差」
「成日借錢度日, 真係累人累物」

---> 你唔係唔知做人做黎做咩，因為你已經答左自己：做人係為左比好O既生活家人。

為家人而奮鬥、努力生活，先不論結果，我覺得是可敬的。告訴你一個故事，唐君毅是中國近代的哲學家，1949年從大陸逃難到香港，來到香港時手無分文，但本著以中國文化救國的理念，創建了桂林街的新亞書院。創校時，學生多數不但沒錢交學費、要睡在學校的地板，還要創辦人在家裡變賣首飾等支持下去，而學生不只為感恩報答，也為師長們的心感動，在附近的街坊義教。

「手空空，無一物。路遙遙，無止境。艱險我奮進，困乏我多情。」是新亞的校歌，正正形容了當時的「新亞精神」，不怕吃苦，為著自己的目標堅持，不論環境如何惡劣，都會「奮進」，卻不忘記人生的情感義理。

每人的目標不同，這班人的目標是發揚中華文化救國，你的目標是為了給家人好的生活。兩者目標的高下，不用比較，但只要是體現了為目標堅持、奮鬥，就是上等人了。

唐先生另有一句話很令我印象深刻的，是他對自殺的意見，他說人想自殺的原因是覺得「人生沒意義」，因而覺得悲哀欲死，是可喜的一件事，因為這反映了這人非常渴望人生有意義。在你的CASE，我也看到可喜之處，就是你行動的準則都是為家人的好處著想。

實際的解決方法我沒辦法給你，但不如在心裡面放開些，例如如果你想：「現在的景況，還可以更差嗎﹖」就試試想--->「現在是最差的，將來不就一定會變好嗎﹖」 // 或者抱著不死的決心，知道命運是不可以把你韋擊倒的，生活反而會更易過。

我給你的話到這裡。

回應上面Hello，多謝你的贊助，也多謝你在這裡給的電話、資料、reference等，但我對你這個教徙(你應該是吧﹖)有疑問的地方：

你的宗教有幫助人的成份在內吧﹖但我想知道你幫人的方式是如何呢﹖我相信幫人是主動的，是從人心裡自己發出來的，你一大堆資料、網頁，要人自己去看，一句話都不說，你真有幫人的心嗎﹖你是在這做宣傳嗎﹖如果你宣傳是為了令人「得救」，為什麼不身體力行去做，要依靠一大堆的資料呢﹖如果你說神才是救人能力的來源，你又為何要貼這些網啊什麼呢﹖

如果我有什麼說錯的地方，請指責。如果言語上有失禮的地方，請原諒，我只是說我的感受而已。

人生感到無奈時時有,你唔需要咁失落,唸野唸得咁灰既。你無聽講咩!?「前面是絕路,希望在轉角。」丫MA~依句都係我自己既金句黎架!人生咁長,難免會有唔如意既時候,所姒你唔洗唸得人生咁差既。

照你以上講既野,我唸你應該係你個家庭既經濟支柱,你既收入唔多,更出現入不敷支既情況,但係唔緊要架!因為你好比心機、好努力咁去為左依個家庭工作,令家人既生活有所改變。你絕對係一個有責任既人呀!你千萬唔好再唸埋D衰野啦~如果唔係你家人會好傷心、難過。你都話啦,你先得個廿幾歲,仲有好長既路等住你行。你要記住你依家行既每一條路,都唔係得你一個,重有你既家人、朋友同你一齊行架!

你要多D同家人傾計,咁樣有助舒緩你既壓力。加油啊!支持你丫~

唔好呀…死唔能夠解決問題架﹗老土點都要講句有勇氣去死…為何沒有勇氣繼續生存呢 ？你以為死了就一了百了嗎？唔係呀…你的家人會好傷心架。既然生活上咁困難的話，你不妨試吓揾社工又或者去教會揾幫手，他們一定幫到你架。比點信心自己啦，天不會成日黑架，總會有一天變得七彩繽紛架﹗

後生仔你要有積極思想，唔好成日諗住消極嘅嘢，只要你肯努力一定有出路，我夠係40幾人，以前都好似你咁，但係只要你諗積極一D，一定可以脫離你呢個光境，當有一日你成功嘅時候就會回味以往困難嘅日子，成為你美好回憶。

人一生如果無起跌，咁响你老年時就無咩好回味。

其實我先生同你一樣，但是他不會想死因為他知道的死了，家人有多傷心，還有兒女他們是他的責任。請你自己想清楚，不要用這樣的想法，你可以同朋友談談有否其他工作人工高些亦可以問問朋友的意見，但千萬不要做傻事，你死了是可以一了百了，但孤兒寡婦又怎樣活下去，兒女失去了爸爸，妻子失去了丈夫，如果你真的要這樣做不是等如要他們心中有愧疚嗎????因為你是為了他們才想不開，你的家人會諒解他們嗎?????如果我是你我會盡量想些開心些的事情，例如兒子開始學走了，你有多開心。

廿幾歲仔就想跳樓, 唔係掛...?!?!?
你仲咁後生, 有大把機會!!

但係都要好好想一想點降自己會搞成咁....~~

唔通仔你好早結婚, 已經有老婆仔女要你養...??
定係你有白粉 / 丸仔 / 賭 / 瘋狂購物隱甩唔到身, 要成日用錢...??
定係你真係超低人工嗰隻, 賺埋都唔夠搭車食飯嗰種...??

每種情況都有佢ge解決辦法.....

--低人工到養唔到家人, 就申請綜援law....
--有不良嗜好, 就戒左佢啦...
--精神狀況咁差, 同人傾下, 或者揾社工幫忙, 唔好自己諗埋一面.....

呢個世界好大, 仲有好多好野等住你......我老公都失左業好耐, 冇錢養家, 日子都係要過....家人會明白和支持ge...!!

希望幫到你啦!!

咪亂諗野啦後生仔．．．你諗下有ｄ人仲慘過你，你０係香港以經好幸福，人地０係ｄ落後地區生活，又冇野食又冇水飲，咪仲辛苦過你．．你要向好０個方面諗先得ｇａ　ｍａ！！

2008-05-07 14:36:33 補充：
你自己都識講唔想家人同你一齊捱苦！！ｇｄ　ｂｏｙ！
記得一句說話〔人為人而活〕