請介紹那隻牌子貓砂好用

我試過用礦砂、紙砂、豆腐砂。以下是我少少的經驗，希望幫到你！

礦砂： 應該是最普通的，超市都有得買的。 吸水ok ，而且有香味的成份，可以稀釋貓貓的尿味。 但是稀得不徹底，會更臭，而且因為太細、痴腳，若貓貓去完toilet 後，會跟貓腳走，令屋企到處都有置身『沙灘』的感覺，很難清潔。 因而棄用了！

紙砂：是再造紙，吸力ok ，但吸味就一般，價錢不平( $80-110)。 不過較為輕身，我的貓貓不喜歡，可能是抓砂不過癮，因而棄用！

豆腐砂： 環保，可以沖在toilet，吸水好，吸味都好，較紙砂重身，好抓砂，不會跟腳一屋都是砂。 用了好多年了！ 不過價錢不平，要$75-80 一包。

我未用過水晶砂，不過水晶砂要用特別的砂盤，分兩層，要倒尿或用尿片吸尿，我個人覺得不太方便。 若你會洗砂的，可以循環再用很多次都得架。


如果你得一隻貓，我都會介紹你用豆腐砂，真的不錯的。 豆腐砂有幾個牌子，砂的size 多數似中華牌鉛筆的刷膠頭，有一兩隻是圓條形的，幾隻我都用過，質素差不多，你可以放心試任個一款，同樣不容易帶出砂盤的。

我想介紹你用貓砂是以粟米造,可合你的要求,但價錢比較貴少少,如果家裹不是養太多貓,這種砂好好,而且吃落肚都無問題,是健康選擇,
我係普通寵物店買到的

我就覺得豆腐砂好用, 又除臭, 又少塵, 小便會結塊方便剷走.
不過就比較貴, 成$75-80一包, 不過一分錢一分貨.

其實您用水晶砂, 又想小便容易清理, 都有一個方法,
就係買一個雙層砂盆, 上面一層有細孔, 下面就係一個膠盆,
平時中間放一張尿片, 或者放報紙都可以 (報紙就要隔日換).
小便就會流入盆底, 砂盆上仍然清爽.

雙層砂盆大約二百幾蚊個.