Poly U HKCC定HKU Space好?!

其實無論你讀hku space或polyu hkcc, 如果2個成績又一樣, 佢梗係收自己學生先啦. 仲有機率會大唔大都要視符你gpa幾多, 以hkcc計, gpa 4分為滿分, 我聽d同學講好多同學好勤力, 要真係拿4分先有機會, 因為太多人讀啦! (最高分有A+, 有4.5分, 但要係最TOP果幾個) 你可以講自己院校會優先收返自己學生, 但又唔係完全其他學校的學生無份)。至於有無direct entry to YEAR 2都係要睇返你HKAL同HKCEE成績+ AD/HD個成績而定架.

你睇個升學率其實無用架, 因為一切都要睇返自身成績而定, 如果本身好懶/唔岩讀, GPA得2.X, 咁讀邊間都無用. 反之, 你讀得好掂, 有GPA 3.5-4, INTERVIEW又好, HKAL/HKCEE 又FULL CERT. 實有人收你啦~

升學率只可以視為一個參考的性質, 你反而要留意升唔到FULL TIME DEGREE的人的去向. 例如: 本身院校有無開TOP-UP DEGREE, 如果有, 讀返的好大機會有credit transfer架. 比多個條路自己行. 如果無, 人地院校未必會比credit transfer 你/或者d科目少好多, 即係又要比多d錢。

除此之外, 你亦可以考慮學習環境, hkcc 依家搬左去紅磡灣, 校園大左, 又可以用返本部lib. 我自己覺得會似讀u的環境, 但space係商業大廈上堂, 小左份感受校園的機會。

我都係比返我自身的意見你參考下, 我d同學去hku, cu, poly, city, bu year1/year 2都有, 比心機^^

還有要留意, ACCA會否成認個COURSE的某D科目/學分, 會唔會考少D PAPER, 呢D都要注意~