我想問養倉鼠可唔可以點香薰架?

A.香薰氣味唔強烈,又唔會話好接近鼠鼠,同時萬一鼠鼠逃走出唻都唔會整到既位置,係冇問題既,我有朋友每天都點香薰既

鼠鼠喜歡用排泄物去表示該地係佢地盆,所以訓覺既地方點都會有排泄物,就算識用廁所都一樣,所以如果你都係會用返間屋仔既話,可以話應該冇方法完全改變情況,除非佢地唔再訓屋仔啦
排泄物令鼠鼠感到係自己既地盆,令鼠鼠有安全感,訓覺既地方如果太空盪,當然會冇咩安全感啦

睇返你既處理方法,想鼠鼠冇咁臭,可以留意返以下既事:
1)怕鼠鼠臭都唔可以兩日就同鼠鼠沖一次涼,成日沖涼會令鼠鼠抵抗力下降,反而易甩毛;好熱既時候,最多都係一星期兩次,正常一星期一次就可以了

2)需要一籠一鼠,兩隻鼠一齊係會較臭,加上獨居既鼠鼠一齊住好易會有打交or繁殖既問題,你家人已經對鼠鼠冇咩好感,又接唔接腦到你對鼠鼠生十隻八隻?生完之後如果再繁殖,好快會有幾十隻了

3)如果個籠可以外接管道,可考慮唔用屋仔,加瞭望台,咁就易洗得多

4)每日都同鼠鼠打掃一下佢訓同埋排泄既地方

5)洗多d籠,可用牙膏or小動物專用消毒劑去清理,當然係一定要清得好好,唔會留返d在籠

6)俾鼠鼠用鼠廁所,減少排泄物分散,正常都會繼續在屋仔排泄,只係會好d
教鼠鼠用廁所留意事項如下:
a)將鼠廁所既廁所沙加多,等鼠鼠排泄前有足夠既沙俾佢抓下先再去,大約厚0.5cm厚左右啦
b)唔係換木糠先將鼠鼠既排泄物先放落鼠廁所,平日得閒就執d落去,最好日日打掃下佢房,就將房既排泄物部份放入鼠廁所中
房既味同埋排泄物都比較多,用呢d會好d
c)未學識時勤力d去清理廁所外既排泄物,一來衛生d,冇咁易令鼠鼠有皮膚病,二來令鼠鼠慢慢習慣鼠廁所先有排泄物
d)俾d耐性去教鼠鼠,佢本身唔慣既時候,係需要好長時間先會學識,但有時隻隻鼠性格唔同,佢本性係唔鍾意用廁所係好難學得識,正如人本身係好亂,要糾正成整齊都唔容易呢!

5)唔好用有味既木糠or沖涼粉,因為加埋d排泄物味會仲臭,又易令鼠鼠敏感

6)放木糠or D人用唻除味既野在籠邊,要距離鼠鼠一段位置,令鼠鼠唔會掂到
同時咁放既話,必須確保個籠係唔會俾鼠鼠有走到既機會,鼠鼠係逃走專家,走佬好叻,俾鼠鼠走到出唻,食左就大件事了

B.另外,其實鼠鼠最好分籠,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶


2008-05-07 08:58:43 補充：
其實我就唔係特地講得複雜,都唔係想拖長唻答,只係問題唔止問及香薰,擔心鼠鼠有咩事先詳細去解釋,希望樓下網友明白,謝謝!

而香薰部份的確係天然,但亦有d係有化學成份;即使係天然既香薰,濃既話係會對動物有影響,包括人;而早前都有新聞提及,部份香薰有機會令懷孕女士流產,所以唔係所有香薰都係咁安全,所以我話用香薰唔濃烈先得

另外,倉鼠其實係來自沙漠,並非田野,知道倉鼠既原居地,會有助了解鼠鼠既特性(知道鼠鼠唔係住田,最少知道鼠鼠唔慣食菜之類多水份食物,食左易令鼠鼠肚瀉)

可以放心, 其實答案無須上面d 人咁複雜.

倉鼠都來自田野, 對慣d 草, 家居有化學物,

你點哥d 可以令到d 小朋友開心d, 因為好似回歸了大自然

其實只要香薰氣味不太濃,也可以。 要教佢哋係第二度屙呢 就要將沾有牠們的尿的木康放在你想的地方,注意,有些是改不到壞習慣的。加油!努力!!