關於日本留學的問題.....

2008-05-06 9:07 pm

我想問...
因為自己好鍾意日本
文化..潮流..明星..旅遊都好中意
後來我去左學日文..而家係香港學緊3級
但係家庭問題 , 冇乜錢
我打算而家草一筆錢去短期留學
我都聽好多如果想去日本學日文
幾個月個d課程係冇用
但係我好幢景去個面生活
雖然都有人同我講過...現實唔係我想像中咁樣
但係唔去過又唔死心
我覺得應該點都去一次..唔想俾自己後悔
的確我係純粹中意日本
所以想去留學
當然如果我有更多錢會去耐d..但我冇
我咁樣諗...其實有冇錯?

回答 (1)

Chloe

2008-05-08 9:54 pm

✔ 最佳答案

諗是沒有錯的，有夢想難道有錯？
我曾經好迷日本東西，潮流，雜誌，美容，旅遊，購物...

不過自從我留學後所有希望幻滅，在日本公司打埋工後更加變得頗不喜歡日本。

姑且不論你去唔去得成(這是錢的現實問題，幫不到你)，但你要接受如果你去左，發現自己喜歡的東西都不是想像那麼好，你受得住打擊嗎？尤其係如果你在日本打工，又冇乜錢，東京比香港更現實。

我打個比喻：一直暗戀多年的前輩終於肯同你拍拖，點知一齊後發現佢份人好唔得或者同你想像係兩回事。你會不會後悔同佢一齊或情願當初冇一齊留個美好回憶？

👍 0 👎 0