藏獒會將第一個喂食物的人認作一生惟一的主人。 那是不是要看牠出世後立即带回家喂食物給牠。

相信你係睇左好多關於藏獒既網站，被呢Ｄ吹噓藏獒如何了得既神話所誘導而發問的，假如你以平常心去思考一下，便知呢Ｄ只係狗販推高抄作既故仔尼。
由於呢種狗在拾多年前，在內地被推高炒作，要出位便必須誇張宣傳，當時一Ｄ高官及暴發户當信其言，爭相認購下被炒高至拾多萬元，由於有錢人既爭寵，至使呢種狗既神話故事得以流傳。
在一些大型狗裏，好多時都會出現一種被人稱為one man dog既犬種，意思係忠心，一生只效忠一個主人，成年後若被主人放棄飼養而易主，呢隻狗會因抗拒接受新主而絕食至死，呢種行為多發生於大型犬身上，而非藏獒或指定某個犬種所有的，而我所見的正宗藏獒，性格大多都係孤辟燥火的，成年以後要易主相信亦冇人肯接手的，因其燥火兇性會係生人勿近既。
至於你所講的題問，在一隻未成年、未性既犬隻裏照我所知係唔會出現既，因在幼犬皆段係屬學習期，每天所見的事物及人類都係新奇有趣既，至6、7月大時才開始略為定性，專注對主人的專一或其它事物的認定性的。
而一隻有忠心性格的犬種，亦須有愛心對待的飼主才能顯生出尼的，係雙向既，假如在佢出生至成長以來都未被關注過，每日只係兩歺温飽既，呢隻狗亦唔會對呢位飼主有多大留戀的，反之，得到主人愛護有嘉，將得到雙倍奉還的。

唔係，其實出生後一定要比狗媽媽湊到介奶先健康，而且並不是一出生就認定喂食物既人係佢一生唯一的主人而係對佢好、照顧佢同教育佢個個先會認定，如果你有喂食物比佢但係你會常常打佢佢都唔會服從你，狗狗係有靈性的。只要你對佢好，年老的時候先開始養佢佢都會當你係主人。