[有無得傾??]people追數問題...

1. 你可在上庭前去交費, 然後叫Peoples入紙到小額錢債審裁處取消單case.
2. 可以.
3. 你唔同佢傾, 又唔上庭, 法庭可在你缺席而在對方有充份証據時判你輸.
理論上, 你被判輸, 又唔還返番條數, 對方可憑法庭的命令以合法行動追你債, 包括如果你有物業就釘你契, 強制要你賣樓還債, 或向法院申請個"扣押債務人財產令狀 ( Writ of Fieri Facias)", 任命執達吏去沒收你擁有的汽車 , 傢俬 , 辦公室設備 , 電腦或藝術品等個人資產或動產 , 並將之出售以償還欠款, 甚至申請你破產.
但實際上, 欠果千零蚊, 佢哋唔會咁做. 因為請執達吏都要錢(幾千蚊), 得不償失. 但佢哋有權揾收數佬搞你, 亦會在個人信貨資料庫中將你列入黑名單, 咁你以後申請唔到信用卡或貸款.
勸你都係快d還咗佢, 又唔係多錢...