Highlight頭髮白色好唔好

白色十分之難染的....尤其是係本身頭髮係黑色底....

白色除左係日本d髮型書同hair show上見過之外...香港普通市民整既話真係少之又少...近乎零....

就算係明星整頭....最多都係染做銀灰色/ 象牙白色(偏黃的)...已經係極限....因為染白色係一定要漂頭至少5次以上, 將頭髮裡面的三原色素完全去走....(lv 3 天然黑色去到 lv 10米黃色以上) 如果你天然黑的話...更可能要漂7次以上先可能做到....再者....髮型屋的技術差參不齊....如果你去一般salon (300-400蚊以下 - 淨highlight)個d salon根本唔會幫你做....可能答你做唔到...因為染白色既失敗率十分之高!!同埋要好高技術同心機...佢地未必願意承受呢個風險去賺你少少錢...就算肯做個d都可能收你1,500蚊以上個highlight....同埋如果要同一日內完成的話你要坐6個鐘頭以上..

我估你本身都未試過連續漂2次頭以上?需知道漂頭係需要好高技巧同時間掌握的...如果話做full head color既白色有100分難..做highlight既白色係300分難!!如果漂得唔好...個頭會變左做一撻撻色....而漂粉接觸到你頭皮又會灼傷你既頭皮....嚴重者會發炎甚至脫髮!!!

同埋係漂頭過程裡面....你既頭髮可能會承受唔住d漂粉既破壞力....變到好似浸完水既髮菜咁霉爛....粉碎的.....過程就算你本身頭髮硬淨...頭皮又冇事....通過到d考驗...但係最後上色出黎都可能偏左黃色或灰色.....

所以我極唔建議人染灰色or白色...因為傷害到頭皮而脫髮/ 發炎唔係幾日就會好返....可能要幾年....甚至受損位置毛囊壞死...唔再生髮....你見到李克勤個金毛頭點解個根位要有截仔黑色?就係佢髮型師幫佢漂染頭髮既...避免接觸到佢頭皮而預留的!

但係其實有個經濟又安全既方法可以做到~就係駁髮喇!!有d駁髮本身個用人造纖維做的...所以可以隨意漂染任何顏色~而駁特別顏色價錢(salon大概$ 25蚊撮)和普通的一樣....只要你預先知會你的髮型師, 佢就會預先幫你訂購的!!成效一定有保證....既可節省時間又不需用自己既頭髮做試驗品~當厭倦時.....去搵返你的髮型師叫佢幫你拆...駁髮又不會傷到頭皮/頭髮....可以一試~

其實駁髮短頭髮都駁到架!!!只要你既頭髮有返3-4吋長就冇問題~而白色駁髮/ highlight都不適宜太多....太多睇起黎會好老同唔精神的...所以如果你係男仔....我建議你前陰斜斜地有幾大撮...之後d 駁髮就集中個頭頂同頭頂2邊....我之前有個同事咁樣駁白色都幾好睇!幾型架!!

希望比你知道更加有關color 既理論~可以幫到你啦!^^
同埋其實靚唔靚係好主觀既~但係絕對唔好為左靚而去冒險, 去試一d 可能會傷害到身體既事!!~