皮膚敏感同埋用藥一問!!急(15分)

你係由細到大都係咁定係近期先係咁? 如果由細到大都係咁, 相信你既體質十分敏感, 如就試吓去睇中醫調理吓身體, 因為呢家嘢真係唔係一下子可以變好, 要長時間
如果你近期先係咁, 會唔會你食過乜嘢? or用過咩新護膚品而敏感?
老實講,我始終覺得睇醫生係最好, 不過可能你睇嗰個唔好先搞成咁, 我喺灣仔睇過醫生幾好, 亦見好多人搵佢睇皮膚, 雖然佢唔係專科, 我之前試過生左好多紅色一粒粒但又唔係暗瘡既嘢, 睇左兩次好番~ 個醫生叫李釗華喺集成中心, 你可以去醫生網search吓佢既資料, 再考慮吓睇唔睇
如果真係咁唔想睇醫生, 雖有從其他嘢入手
首先你用緊既護膚品係咪防敏感? 美白同磨沙都唔好用, 因為會刺激皮膚~ 化妝水要用無酒精, kiehl's既金盞花化妝水聽聞幾好, 夠溫和, 你可以去睇吓
另外當然要多飲水, 戒凍飲, 咖啡茶都唔好飲, 會刺激皮膚

皮膚敏感可大可小, 我都唔敢建議你用d咩product, 都係搵個信得過既醫生睇睇啦

回答你最後既問題: 唔應該
第一, 唔好用毛巾洗面, 改用洗面泡/膏去洗, 用手過水, 毛巾會積聚細菌, 怕塊面太濕可以用紙巾輕輕印乾
第二, 面唔可以洗太密, 皮膚本身有自己既組織, 洗太多反而會損壞本身應有既組織, 一日洗3次面已經足夠, 尤其係出完街返黎, 你試吓用潔膚水或者就咁用紙巾抹吓塊面已經可以見到黑忟忟, 好多灰塵, 我通常都係朝早加收工各洗一次, 但當然洗完要做足護膚程序啦

每曰用金銀花煲水洗吓,效果好好,又經濟.