倉鼠問題呀????好似有左bb咁

摸到既野如果係在體內,有機會懷孕,亦有機會係體內有腫瘤
懷疑懷孕,其實已經唔應該抱佢出唻玩了,亦唔好再摸佢肚,咁係有機會傷害鼠b,亦令你既鼠鼠情緒不安;就算唔係懷孕,鼠鼠俾你研究完佢個肚,驚你唔想同你玩都好正常

A.如果你懷疑佢懷孕,就要留意以下幾點:
1)生育前將鼠爸爸分開籠,單獨放鼠媽媽
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)生之前放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既

食自己鼠bb有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就會食bb

B.如果鼠鼠有唔舒服,又或過左懷孕期都未有bb出生(熊仔鼠大約15-16天,細隻既鼠大約19-22天),則有機會係有體內腫瘤,腫瘤處理方法可參考以下我回答既知識
http://hk.knowledge.yahoo.com/question/?qid=7008013101981

C.其實鼠鼠最好分籠,繁殖鼠鼠會有好多問題,希望你可以考慮唔好繁殖鼠鼠啦,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

係唔係有1男1女嫁??
我之前d小灰霸有左係有一舊舊野係個肚度
唔係你咁一粒粒- -...如果全部都係男黎既話..咁就唔知係咩啦..

佢地差唔多1個月就生一次-0-..之後d仔仔女女又亂輪...
又生多d..1年真係多到嚇死你- -..