買入門機 - 買那牌子好

450D唔穏定我就冇乜聽過.唔知你啲friend指邊一方面呢?
450D功能都叫做幾齊,有9點對焦,Live view,套裝鏡又有埋防震.不過就冇機身防震,之後加啲好啲既鏡頭如果想要防震會幾貴下.
Nikon其實都唔會色唔靚的.只係預設比較冷調,可以自己設定翻,不過要買就起碼都要買D80,因為D60或以下機種冇機身摩打,配鏡會幾麻煩的.而且都冇機身防震.
Sony的入門機其實幾低買的,因為佢己經有機身防震,之後配任何鏡頭都送防震功能,可以慳翻好多錢.副廠鏡係唔會夠Canon同Nikon多.但其實己經係呢兩間大廠之外支援最多的一間.同埋佢買副廠鏡既意義唔同,因為一買己經係防震版,Canon同Nikon買副廠的話只有很小鏡有防震功能,原廠防震鏡又勁貴.
如果你買A300,佢仲有對焦最快既Live view.
不過Sony入門機閃燈同步比較慢,陽光下比較難用大光圈,同埋你想玩淺景深佢冇乜平鏡,要用成二千幾蚊買原廠50mm f1.4
以下網頁可以睇到相機規格
http://dcfever.com/cameras/database.php
買套裝鏡好處係平,規格預咗一定係比較入門級.預算夠不妨換啲規格比較好既鏡頭,否則用住套裝鏡先也無不可.