結婚程序和派發利是問題

Q：請問仲有咩要準備的呀?

>>>租既 items：
*褂裙
*媽咪 & 奶奶晚裝
*花車 & 兄弟姊妹 van 仔
*男禮服
*爸爸 &老爺西裝

>>>買既 items ：
*花球 & 襟花 & 兄弟姊妹手花襟花
* 過大禮既物品
*褂鞋 & 晚裝鞋
*唐餅
*結婚介子
*利是封 ( 俾兄弟姊妹、酒樓侍應 、有關人仕 )
*佈置花車既公仔 / 花球

>>>要準備既 items：
*( 酒店 / 酒樓 )既場地佈置
*攝影公司
* mua / hair stylist
*決定左响註冊處註冊 / 律師証婚
*印帖

Q：還有就是當日利是又應該點分配? 一般俾幾多?
答：以我自己為例：
*伴娘伴郎~每封$100(每人2封)
*兄弟姊妹~每封 $50 (每人2封)
*花車 & Van仔司機 ~每封 $50 (每人2封)新郎負責俾
*攝影機 & Videoman~每封$100(每人2封)新郎新娘各俾 1 封
*Mua & Hair stylist~ 每封$100 (每人2封)新娘負責俾
*酒樓經理~每封$50(每人2封)新郎負責俾，一到酒樓將所有利是俾晒經理，叫佢代你分發俾其他侍應
*酒樓侍應~每封$10(每人2封)
*開門利是~豐儉由人

Q：幾時俾姐妹或兄弟?
答：方法有 2 個>>>
( 1 ) 新郎每個兄弟姊妹俾 1 封 利是；新娘一樣每個兄弟姊妹每人都係俾 1 封利是，所以新郎新娘合共每人派 2 封喇....

( 2 ) 我因為費事混亂，所以我負責俾晒所有伴娘姊妹，每人 2 封；而我老公就俾晒所有伴郎 &兄弟，每人2封！

仲有要預備的東西︰
1.租衫或者訂造衫(裙掛、婚紗、晚裝、男禮、奶奶衫、媽咪衫、伴娘衫、姊妹衫) — 要睇多幾間，睇下邊類型的婚紗同晚裝適合自己，睇同試係兩回事，一定要試上身先知0岩唔0岩自己。有些人為了整齊，會幫所有姊妹租/造衫，視乎你自己的budget，我就冇俾佢地，不過佢地就夾左著同一顏色的裙。
2.試妝 — 好的化妝師通常都好快俾人book左，試0岩就可以book啦！
3.book當天攝錄攝影 — 留下美好回憶。
4.訂戒指 — 通常都要一個月，所以可以早少少訂。如果你是訂鉑金戒指，要留意下金價，趁平時才買。同時可以問下人有冇vip no，可以平少少架！
5.book花車、旅遊車 — 睇下搵唔搵到朋友幫手，如果冇，就要預下多唔多人，要二十九座定旅遊巴接載親友同兄弟姊妹。
6.上網預約結婚 — 你要決定係邊度註冊︰政府註冊、伊甸園、教堂定搵婚姻監禮人(律師)，跟住上網預約時間，再將婚姻登記官證明交給伊甸園、教堂或婚姻監禮人(可能佢地會幫你做埋，咁就不用預約)。如果是政府註冊，就一定要預約。
7.列出出席家賓的名單，方便印製囍帖。
8.預備小禮物 — 當天派發給來賓。
9.訂購當天的花球、主禮人襟花、兄弟襟花、姊妹手花(可以是鮮花或者絲花)、車頭公仔、花車佈置等。
10.預備過大禮的用品 — 視乎雙方家長，可依足傳統或一切從簡，用利是代替。
11.購買掛鞋、晚裝鞋、紅傘、跪地墊、斟茶茶具、上頭用具及睡衣、簽名筆、利是封。
12.婚前檢查。
13.預備回門乳豬 — 有些酒樓會包埋，但比較細隻。
14.詢問出席人數，以便安排座位。

當天一定會好熱鬧，我結婚個日，早上老公會來接新娘，玩新郎遊戲當然唔少得啦！之後就同我爸媽斟茶，斟完茶就要在吉時出門，出門去到男家同老爺奶奶斟茶，之後就同男家親友、兄弟姊妹去食午飯，食完飯就回門，回門後就去酒樓，同親友戚友影相，又斟茶俾早上未來的親友。8︰30就開始律師證婚，9︰00開席，11︰00散席。

當天利是分配(全部都係俾1次就得)︰
伴娘伴郎200元
兄弟姊妹100元
攝影攝錄50元
司機50元
化妝50元
樓下看更20元
酒樓部長50元
酒樓待應20元

你7月先去試婚紗..會唔會太耐呢! 我諗你5月尾都好去試定啦，因為今年都多人結婚，可能你鍾意既款有可能都會比人HOLD左，想揀既款式又會少左. 請問你婚紗，包唔包埋晚裝同裙褂架?
我妹妹10月結婚，佢已經試好婚紗,晚裝及裙褂.
試妝試左未呀? BOOK左化妝師未呀? 租左花車及VAN仔未呀?
花球, 新郎襟花, 男女家長襟花及手花, 兄弟姊妹團用的襟花及手花，你可以係9月中先去訂或買都可以。
派利是 ~ 是我自己為例，化妝師、攝影師、攝錄師及司機利是為100元.
兄弟姊妹團 - 20元 (早上姊妹來到女家，多數會由媽咪派的(因為早上新娘會唔得閒)，兄弟早上會到男家，即由新郎派，當玩完接新娘及飲茶後，記得要派給兄弟團，至於姊妹團到了男家後亦要提新郎派給姊妹團.
酒樓 ~ 部長$50 , 經理$80, 侍應及廚房$20 (記得去到酒樓，問部長或經理，當晚會有幾多侍應幫手及廚房有多少人，先好數返咁多封由經理或部長派發，不要自己待為派發，怕有人混水摸魚。
至於開門利是，你可以睇返你有幾多個姊妹，一般都係預返每人150元左右啦, 要計埋伴娘個份架.
我個時有9個姊妹, 開門利是$1399(一生長久)，為返每人155元.
兄弟姊妹團(包括伴娘伴郎)只係早上派就得架啦. 晚上就係酒樓派比D侍應生同部長都只係派一次.
如果你揀係註冊處註冊講於你婚期前三個月於網上登記模擬結婚書。如果你揀選當晚律師證婚的話，都要搵定D專業律師！
RUNDOWN...我沒有你基本資料，所以很難給你一個明確的行程. 可以的話請提供一些資料!

上位回答者都好長盡！我加以補充!

得閒做下面部護理(出嫁當日更上)、book定化粧師

租用或賣伴郎和伴娘禮服

睇下你是否跟隨中國傳統習俗!如果你們採用的話!

買舅仔鞋/姨仔裙(新郎負責)

摘吉時出門(可在通聖查閱或找香燭鋪D人幫你)[註:要配合註冊時間]

聘用大坅姐陪嫁或找個有經驗、年長的人擔任(如果不是用錢請回來的就給一封大利是.[人哋幫你手點都好睇D啦！])註:豐儉由人
參考:當年(二十年前)我給$500.因為佢幫我做了很多傳统禮儀.

議定好開門利是銀碼.(除非新郎比幾多都無所為)大多為9字～長長久久！[開門利是是由姊妹團平分]

嫁粧裏負一急行李...裹面新衣(勿用白、黑、藍色這是意頭)和新日常用品.

出嫁前一星期不能和新郎先面(可選擇性不過傳统係咁)

準備大量利是而備用得着(在酒席上d伙計走嚟恭喜你時派的和化粧師、髮型師、姊妹團等等)用於幫你手的人

兄弟/姊妹團利是由新郎/新娘各自負責(交公平)[利是銀碼豐儉由人、睇交情和關係]参考:我當年比～一般$100.好D$200.好好$500.

出嫁前一晚會上頭(一梳梳到尾...二梳..白髮齊眉.............)

出嫁當日早上拜祖先或先人(如果家有設靈位的話)[告知先人家有女出嫁]

等侍新郎接門.代後和新郎敬茶給父母、長輩和先人

在吉時出門去註冊或男家

在洒席上敬茶給長輩(收利是歸你自己)

第二日早上敬茶給老爺和奶奶.己示尊重1(如果和他們一起住的話)

2008-05-06 12:52:04 補充：
sorry!我打錯咗!

係租用或買伴郎和伴娘禮服(你和新郎各自負責)