原裝呔問題, 師傅話條呔細左係犯法, 真?

50 同 55, 講真肉眼點會睇得出? 通常差佬抄牌關於呔既. 都係因為呔紋唔對 ka 姐. 除非你架車要夠期驗車啦. 至於係唔係上手換左. 就好難講喎. 佢冇啦啦又好難搵4條細呔黎換走你 ka ma. 講真二手呔又唔值錢.
因唔知你揸乜野車. 一般黎講. 195/55 日本呔全新都係 $400 至 $450 一條咁上下. 佢收你 $570. 計埋手工咁 lor. 如果你去車房搵佢幫你買. 佢地實收多少少 ka 喎. 冇可口非. 一係就自己去呔行換啦. 我同 D friends 去開新蒲崗彩虹道198號"金富"換的. 係黃大仙香普理中心那個十字路口斜對面. 星期一至六開, 星期日好似休息 ka 喎.
金富係一間大型呔舖黎 ka. 直接賣比你. 即場包裝. 其實 D 車房, 都係同佢訂之嘛. 如果你架係日本車, 買 Dunlop 呔已經好 ok ka la. 約 $400 鬆 D 一條. 如 bridgestone 個 D. 就 $6xx 咁啦.

基本上你架車有任何改動而又未經運輸署批准都可以叫做非法改裝(啫係犯法),係好空泛, 但你而家195/55同195/50嘅分別, 只係條呔高度薄左5mm, 應該驗車都會俾你過, 你去果間車房係咪包驗呀, 同埋可能佢想多做小小生意呀.

我都買咗架車, 原來係鴛鴦呔, 前面果兩條一樣, 後面果兩條呔紋唔同,
我去南區田灣的偉X呔鋪換了後面兩條呔, 新呔要幾百蚊兩條, 我換2手呔, 都係400蚊兩條之麻,
前後唔同應該唔緊要, 最緊要左右相同, 佢地服務都幾好, 而且幾實際, 表面睇幾好人, 我條2手呔都唔錯, 新嘅一樣,
不過你個CASE唔止呔紋咁簡單, 直情SIZE問題, 唔知可唔可以剩係換2條, 不過2手呔200蚊一條點都好過570蚊一條啦!