日本奶粉 vs 香港奶粉

美國奶粉會比較熱氣同較甜易肥，容易會便秘同比較麻煩六個月轉一次同埋而家較難撲貨比ｄ自由行買晒，我個朋友搵左成個月心美力都買唔到呀,陰功!!搞到而家要轉s26~=.=!!（佢反日所以死都唔轉日本奶粉）

我個人就祟日ｄ，日本野一向QC都幾好，有信心ｄ，仲有佢ｄ好野係唔會出口既，所以香港買到既日本奶粉大部份係水貨，除左雪印有香港版外，其他牌子都係日本水貨佢成個罐都係寫日文既會有"(日本製造)"既字眼～

日本奶粉就冇咁甜同熱氣，便便會好ｄ同埋冇咁易肥，冇咁麻煩因為佢只分細仔(0~9個月）同大仔(9~36個月）兩隻，我同事個B女(16個月，食森永）平均一日都有一次便便ga~ 同埋食日本奶粉BB啲皮膚會白ｄ㗎（佢個女真係幾白雪雪）～日本奶粉貨就易搵ｄ，網上好多訂購網都只售日本奶粉，方便ｄ因為可以送到屋企～

DHA嗰ｄ就美國奶粉會多ｄ但多未必一定係好，食左未必一定會叻過人～　鈣就日本奶粉多ｄ。

最好既當然係人奶啦～比BB食人奶修身都快ｄ㗎～　如果想知多ｄ意見可以上親子王國睇下，嗰度有好多媽咪傾計交換心得ga~

http://forum.baby-kingdom.com/index.php