不進不退，咁點算好﹖

之前同個男仔因工事合作，日久生情，有d瞹眛，後尾我忍唔住，同
個男仔講，點知個男仔係朋友撮合之下同另一個女仔岩岩開始左，我問佢點解，佢就話我樣樣都好好，同佢都好夾，但是就係無
impulse。

過左一年，佢同那個女仔已經散左，我問佢知唔知我仲鍾意佢，佢就話想同我做朋友多啲。

又過左一年，我sms問佢當初有無鍾意過我，email再提佢我send左
sms俾佢，佢無正面回答，講左第二樣野。

幾年來我地一直都有來往，有起咩事上黎都會通知、擔心對方，閒時我地唔會約出來，他非常忙碌，不喜歡被人管住，又唔會講電話。

其實我覺得我有啲仲鍾意佢，不過坦白講下下要我主動都幾攰，而且自己都覺得自己有啲煩，所以我好似久唔久就撩起來研究下，通常佢無咩反應我忙左其他野就唔記得左(但佢又唔會強烈厭惡我)。

我又清楚明白他的缺點，他又好清楚我的為人，但我唔知佢個心諗乜又唔死心咁，佢曾經同我講過對於感情既事好蠢，亦唔識表達自己。

因為工作關係，我都有認識其他男仔，但未去到鍾意or 追求的時候
，我都會比較，覺得唔夠呢個糾纏多年的男仔岩，情況就係咁膠著左前後三年。

而家都唔知點算好，我又迫唔到自己放棄，就算放棄呢件事都無一個清楚的因由，其實用其他方法去追呢個男仔會唔會都算係一種了斷﹖

請大家比比意見，指點下方法﹖謝謝~~~

p.s. 我同佢現時都無男女朋友的。