負離子直髮的小問題

1. 做完負離子直髮會有甚麼後遺症(壞處)?
Reply: 頭髮髮尾過一排會乾, 開叉, 如果做得多o既話仲有機會會斷髮, 何謂斷髮呢~ 就係一條頭髮斷左一半, 另一半仲o係您個頭度o個種。

2. 要等多少天才能把頭髮擺在耳後? (因本人有戴眼鏡)
Reply: 一般黎講, 唔會建議您擺在耳後, 因為長期擺在耳後會令頭髮變型, 但真的沒辦法的話, 建議您兩三個星期後才擺在耳後。

3. 要等幾耐才可洗頭,束起?
Reply: 通常髮型師都會叫您呢兩三日都唔好洗頭的, 因為keep 得冇咁好, 而我就會睇自己個頭癢唔癢而定, 如果可以我會keep三四日唔洗的, 束起的話... 其實同您擺在耳後一樣, 但... 如果您真係束髮o既話, 頭髮後面o個個位好快就會定死左個橡筋位, 而如果您係長期都用橡筋好緊咁札頭髮o既話, 您... 之後o個一兩年都唔洗指意o個個位會貼服 =.= 因為我自己都係過來人, form 1 ~ 5 我都係咁札... 個位札死左... =.=

4. 做完會不會有頭皮?
Reply: 如果師傅係用o的靚o既直髮膏 / 電髮水幫您做o既話就唔會有頭皮, 通常師傅用o的差o既直髮膏 / 電髮水 整頭都會起好多頭皮 / 勁傷頭髮的, 所以唔好貪平做。

5. D藥水會不會傷害髮根?
Reply: 任何電髮 / 染髮都係會傷頭髮的, 如果師傅同您講唔會傷o既話就係呃您, 您可以馬上走, 搵過第二間。

6. 如傷害了髮根會對頭髮有甚麼影響?(請詳細講解)
Reply: 唔... 有咩影響呀~ 我個人體會就係覺得... o的髮質比我以前生出黎o個o的冇咁好, 好似咩營養, 同埋覺得好快乾枯咁 =.=

7. 怎样才能被免弄傷髮根?
Reply: 唯有唔做 =.= 但通常都係冇可能的... 哈哈~ 因為女仔都係貪靚的, 卡卡~ 咁您之後就要後天補養囉~ 去髮型舖做treatment。

8. 如果真的弄傷,有甚麼補夠的方法?
Reply: 睇下您傷成點, 輕o既做下treatment 就ok, 但係嚴重o既~ 您就唔可以再去電,染... 頭髮了, 起碼要keep 幾年先, 等o的頭髮休息下, 同埋生長下。