請幫幫手!!公屋問題

1~(特快公屋計劃)係指你所輪侯編號未到上樓,但參加該計劃可以令你即時上樓(當然你選到心水單位先至係啦,但亦有可能你選唔到)~
該計劃係比一大堆單位你自選,唔係由房署編配比你的!

2~只要你已經入紙申請左公屋,房署會寄番張藍色卡比你,卡上面有一個編號,咁你已經可以申請d個計劃~!但d個計劃一年只有一次,每次推出都會寄一份好似'讀書果陣既回條'既信比你問你參唔參加d個計劃,如果參加就簽左份野寄番比佢....佢收到份野會再寄份收到確認信比你....等到選樓前1~2個月會話你知你幾時選樓,同埋話比你知幾時會有預覽單位時間比你...(即預覽咩地區有d咩單位,面積,適合幾多人住,幾錢租,同埋有冇死過人呀,近垃圾房呢d....不過係列表式既)...

預覽果時同埋選樓~~佢地係一批批咁比你地入一間房睇同選,間房既牆上面貼滿一張張關於推出單位既詳細資料,若個單位比人選左就會用筆劃左,剩低既都係未選既~~若你選到樓,佢地會有人同你填一d文件,填好後就番屋企等佢地再通知你幾時去睇樓同埋拎key~

3~係有ga...但唔多囉~~不過好多都係舊屋村,除左天水圍同東涌係新屋村之外

4~2008年果個應該開始左ga啦~~但寄信果d我就唔係好記得幾時收到..
不過都係4~5月收到ga啦~~

5~我就由入紙到簽約拎鎖匙就一年到啦~~但有d人可能第一年選唔到心水樓,到第2年參加先選到..所以好難講~~最重要係睇你既心水有冇比人選左囉~~

6~兩個都係真,因為房署推出好多單位,有d可以住1-2人,有d就1人~~所以係睇你個輪侯no的~!d個計劃好多人參加ga,房署係跟你地個no黎安排選樓次序,但每一次選樓係一大班人一齊選,所以最好選樓前一日去睇下仲有冇你既心水單位,有就用紙筆記低,盡量選多幾間,因為唔係得你一個選ga~!到選樓時就再睇下你個心水單位有冇比人選左,若有既就睇第2心水...咁做快好多同埋唔會比人選左先..

7~唔可以....因為房署推出既每一個單位都會列明要幾多人先可以選果個單位(例:一家3口參加左d個計劃,佢地只可以選2~3人或3~4人既單位,唔可以選4~6人或5~8人既單位....因為房署係睇個單位面積黎決定適合既多人住,而唔係睇你可以交幾錢租的!)

補充一點，以特快計劃上樓的家庭，在上樓後３年內不能申請調遷及綠表資格（買居屋）。