杰博士!!幫下我呀!!

A.病就好少會由倉鼠傳人,得一隻沙門氏菌係有可能,不過多數對都冇咩殺傷力
有沙門氏菌就會肚瀉,鼠鼠幾日內就會死,但唔係次次肚瀉都會係沙門氏菌,唔放心既話,鼠鼠有類似情況而死,可以拎去俾獸醫睇下
生雞蛋入面就有好多沙門氏菌,對鼠鼠唻講係好易致命,但對人就可能只係肚瀉,所以都唔洗太過驚既

B.除左疾病傳人既問題之外,相信係想知道鼠鼠會令人有咩唔舒服吧?
倉鼠有機會令人有既不適及預備方法:
1)感敏
如果本身係對倉鼠感敏,接觸倉鼠就會感到唔舒服
會點唔舒服就要睇有幾敏感,好多年前都有人因被咬而暈,但証實係該人對鼠有嚴重敏感
我本身對鼠都有敏感,接觸到鼠同鼠既野手腳都會好痕,同時我都有鼻敏感,但對鼠唻講,鼻就冇問題,每次敏感之後,沖涼or搽野,過一段時間我就會冇事
了解自己對鼠有冇or有幾敏感可以問返睇開既醫生檢查下,都可以試下接觸睇下有冇事,當然有咩事要睇醫生啦

-敏感除左避開敏感源之外,其實好難避免,養唔養得就視乎接觸鼠時有幾大反應再自行衡量

2)一般細菌
每樣野都會有細菌,但倉鼠並冇嚴重傳染病,除非你對倉鼠係敏感,如果唔係,倉鼠處理得好係唔會令人唔舒服既.處理得唔好就好似食野唔洗手,有傷口又唔理,咁就唔理係咪倉鼠,都好易令人唔舒服.
以前倉鼠係貴族既寵物,可想而知,倉鼠都真係幾安全

-任何情況下,食野之前,都要用徹底洗乾淨雙手
-被鼠咬到時,要消毒,之後再貼膠布

C.了解完鼠鼠有咩會影響人唔舒服,順道留意埋有咩係人傳鼠
人既感冒係會傳鼠既,所以有感冒時就盡量少接觸鼠鼠,感冒對鼠鼠唻講係好嚴重,可致命