香港人的陋習（２０分）

香港市民有以下陋習：



１．爭先恐後，尤其是在地鐵裏

根據自己同外國遊客的經驗，ｄ人成人係地鐵度迫來迫去，又有時明明後面大把空間，又因為自己貪方便而唔肯行入ｄ，搞到近門口果ｄ迫餐死



２．沒禮貌，脾氣暴躁

尤其是經濟唔好果陣，同埋部分內地同胞（唔係一竹桿打一船人，只係部分，而且因為文化差異，佢地係大陸黎講叫粗豪，但係我地黎講可能就變咗冇禮貌，冇惡意－－如果作文就唔好成呢點啦～）

順帶一提，呢排好多虐偶個案，真係慘



３．浪費資源，環保意識有待改進

雖然香港推行環保多年，但對比起其實先進國家，香港的環保行動仍然不足。



近期先推出星期二無膠袋日，仲有８月８日８點鐘果個一齊熄燈時間都好似唔多商戶響應（唔肯定係咪果日同埋果陣時），香港人依然好依賴商戶俾膠袋佢地裝野，你睇吓某ｄ快餐店仲用膠袋裝餐具俾你就知啦。



而且仲係好多人唔識得珍惜食物，以前「超級無敵掌門人」就係一個好例子，而家「美女廚房」都有少少，好似突登搵ｄ唔識煮野食ｏ既靚女走上去煮野食俾大家笑，煮得出色果集就因為唔好笑而引唔起觀眾注意，其實都係浪費食物，不過冇「超級無敵掌門人」咁明顯（其實呢樣野係ｄ同事講開ｏ既，不過又覺得幾啱）



４．欠公民道德

例如高空擲物（很難罰１５００吧？），以為係自己屋企嘈就得，唔諗吓鄰居俾你嘈有幾慘，我鄰居同我朋友個鄰居就係咁，結果我朋友仲被佢嘈到搬走黎避佢，幾慘吖



５．欠尊重他人的意識

好似巴士阿叔、飛機阿姐咁影人地，雖然抄作新聞令陳乙東聲名大噪（其實我好懷疑佢係咪真正ｏ既巴士阿叔），但其實咁樣係好唔尊重人架。



事實上，香港雖然冇中國盜版咁勁，但係好多香港人都鐘意係網度攞人地ｏ既作品，或者影印人地ｄ書，所以尊重知識產權的意識亦唔係好高。知唔啱，但係都仲會靜雞雞做。



６．唔識得自己執野（不過呢個係同外國比較ｏ者，文化問題，都唔係好怪得香港人，不過咁啱諗倒）

其實外國好多快餐店都係食完野自己執拾架，不過香港就冇咁ｏ既慣例，搞到ｄ員工做得好辛苦，有時搞到周圍都係又唔諗吓善後果個人幾慘，不過又者咁會增加職業率啦！

你不覺得香港人的陋習之一是誇張嗎？炒作嗎？
香港人樣樣認第一。我雖是香港人，也為之汗顏呢！