我想知道倉鼠會有多少病？

樓上網友講既野有d唔同意,希望網友唔好介意及留意一下:
鼠鼠生病時係唔可以俾牛奶佢飲,因為飲牛奶好易令鼠鼠肚瀉,就算鼠鼠生育後,飲既都只可以係奶粉沖既奶

A.年老鼠因為身體較弱,好多病都較易出現,實在好難話講晒有咩病,點都好易講漏,簡易地講一講吧,如果發現鼠鼠有以下問題or其他異常,就要再針對問題盡快處理
1)腫瘤-身體長粒粒
2)皮膚病or敏感-甩毛,特別痕癢(鼠鼠好鍾意乾淨係會成日爪自己,但出現同平日唔同既痕癢就要留意啦),d毛失去光澤(不過年老既鼠一般都有呢個情況)
3) 眼疾-眼睛冇精神,眼腫,流眼水
4)傷風,呼吸道疾病-打乞嚏,鼻塞(即係呼吸異常)
5)肚瀉 or內臟腫瘤-排泄物異常,甚至帶血
6)濕尾症(有壓力 or 細菌感染,有肚瀉徵狀)-尾部一帶濕,甚至直腸脫出
7)心臟病,糖尿病-好多都係遺傳而得病,心臟病有機會係被嚇而有,糖尿病就係食左唔適當既食物而引致

B.其實了解年老既鼠易有咩病,不如多了解點去照顧年老鼠會較好,好過有事先唻處理,照顧年老既鼠鼠可以留意返以下既問題:
1)日常檢查
鼠鼠年老既時候,身體較易出現問題,未年老時需要常常檢查鼠鼠既身體及排泄物,年老就要更加密切留意,發現鼠鼠一有異常就要盡快處理,年老鼠抵抗疾病既能力始終較差.除左檢查身體外,仲要多d檢查個籠會唔會有d咩整親鼠鼠,保持返鼠籠乾爽清潔,咁鼠鼠都冇咁易病既

2)體力問題
年老既鼠身體會較弱,訓覺既時間會長左,唔係幾想活動咁,甚至因為冇力而行路趺下趺下,當鼠鼠行路有問題既時候,就更加要小心鼠籠會唔會有d咩會整到鼠鼠鼠籠及轉輪既地板如果有隙既話,正常時都好易卡住鼠鼠既腳,當鼠鼠行路出現問題,就會更危險.而鼠鼠年老成日會休息,咁就要減少拎鼠鼠出唻既時間,俾鼠鼠活動下係好,但時間長既話鼠鼠就會好辛苦了

3)環境問題
如果係唔止一層既籠,留意返鼠鼠上落有冇困難,我之前有隻鼠,3歲多既時候,上管道唔夠力,行左入去就休息,上少少又休過,因為整開條管易整傷佢,所以等左佢好耐佢先成功上到,之後我就將籠改成一層過

4)食物問題
鼠鼠年老會冇咩力,牙仔都係一樣,呢個時候可能會出現唔夠力咬開食物既情況,可以試下整碎d食物,太碎既話可以加少少水落去,都係發現唔係幾食到,就可以去睇獸醫,買一d粉末開水俾鼠鼠飲
鼠鼠冇咩力活動,情況較嚴重既時候,要將食物同水放近鼠鼠,如果連飲食都出現問題,就要多d餵鼠鼠飲食,而鼠鼠年老好多時都會瘦落唻,如冇其他疾病因素,就可能因為年老而唔夠營養,你可以俾d白麵包or麥片佢食,補充營養

5)牙齒問題
當鼠鼠出現食唔到野,又或咬合不正,流口水既時候,除左會因為之前講既唔夠力之外,都留要意返鼠鼠既牙會唔會過長;牙齒過長就要盡快帶鼠鼠去獸醫度剪牙,唔係再生長d,除左令鼠鼠食唔到野之外,都有機會長到插穿鼠鼠既口,令鼠鼠死亡
平日同年老都一樣,都要準備磨牙石or木玩具之類俾鼠鼠磨牙,預防勝於治療,只係年老鼠唔多願郁,就未必去咬,但同樣都可以為鼠鼠準備多d唔同既野去磨牙;一樣要留意返磨牙物品一定要夠硬,夠衛生,夠安全,唔會甩色,即係唔會整傷鼠鼠,唔會好尖,又唔會係膠,俾鼠鼠專用如木制既會較為安全

6)排泄問題
年老鼠在肛門一帶既肌肉會較鬆弛,所以排泄會有困難,易有便秘既情況,便秘易令鼠鼠行得唔穩,甚至行唔到
分辨便泌:
a)拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好硬;唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別硬左,我成日都會咁做
b)清晒個籠之後,再仔細留意佢既排泄物係咪真係少左
c)睇下鼠鼠排泄時會唔會好辛苦,平日休息又會唔會好痛苦咁縮埋一舊
d)便秘有時會見到佢肛門附近會濕濕地咁,唔好以為濕就係肚瀉,便秘都會
e)留意會唔會有排泄物塞住左

便秘處理方法:
a)將食水放近鼠鼠訓覺既地方,必須確定水樽出水係冇問題(平日都要,但便秘時水份特別緊要)
b)可以俾少少橙既"衣"俾鼠鼠食,再睇下情況有冇改善,都唔得既話,俾極少極少既橙肉俾鼠鼠(大約半隻指甲大小),唔好俾菜,易有農藥但記得真係便秘先好俾,唔係一陣攪到隻鼠肚瀉就慘
c)到鼠鼠年老時,如果有便秘既情況,其實係可以用手輕輕力按排泄位,幫鼠鼠推D排泄物出唻,不過真係要輕力,冇把握就唔好試了
d)知你一籠一鼠,但都要小心唔好將第隻鼠既用品混埋一齊洗
e)情況都冇改善(2日度啦),就必須睇獸醫處理
大圍珍禽異獸及寵物醫院 DR.TIGER/DR.LAM
Tel: 2687 1030地址:大圍積信街75號地下
http://www.taiwaiexotic.com/

牙齒過長：
由於倉鼠的門牙會不斷生長，磨牙是必需的。
牙齒過長的症狀是吃不到東西，亂咬東西，體重不斷下跌。
若果是由於籠子沒有磨牙石而引致的，便要立刻給鼠鼠磨牙石。

生瘡：
生瘡也是其中一種常見的疾病。
瘡也有分良性和惡性，所以也是一種危險的疾病。
若果你的鼠鼠突然行動不便(可能在關節位的了瘡)，
或身體有地方漲起(硬的)，就要立刻帶鼠去看獸醫了！

肚瀉：
原因通常是吃得太多零食，這種病十分普遍。
很多的倉鼠主人也試過鼠鼠肚瀉的情況。倉鼠正常的大便是硬的粒狀的，
但肚瀉時的大便是軟的流質的。
如果鼠鼠出現肚瀉的症狀，就要先停止餵零食和水果。
若果鼠鼠的情況不太嚴重，可以到鼠店買些止痾水，把三滴的止痾水加入鼠鼠所喝的水中，
大約一至二天便會康復。若果情況沒有改善就要帶鼠鼠去看醫生！

皮膚病：
症狀是突然有一個部份沒有了毛。市面上也有醫皮膚病的藥出售，
但我自己就未買過！
若果只是輕微的皮膚病，例如鼻、身體有少許脫毛跡象，
可以用藥性沖涼粉連續沖七日，
如發現脫毛範圍擴大，沒有好轉，就要立刻帶鼠去看獸醫了！



鼠並無本身的疾病，只要你定期清理籠子和更換水和食物，牠們就不會生病。

　　倉鼠最常生的病是感冒，所以如果你或你的朋友患了感冒，就最好不要接近牠們了。另外如果你的倉鼠有感冒現像，就要立刻將牠隔離，以免其他倉鼠受感染。感冒的病徵包括：遲鈍、疲倦、四肢無力、鼻子紅腫、流鼻水、耳朵縮起來向後貼緊頭部、縮在窩中不肯出來，嚴重時更會打噴嚏、氣喘、體重下降和毛色失去光澤。

　　治療的方法是將生病的倉鼠放在清潔通風的籠子中，保持溫暖，給牠喝些許牛奶，加些麵包、燕麥片或魚肝油之類的營養食物，這樣牠很快就會恢復食慾而痊癒。另外最好徹底清潔水瓶及更換飼料，以免受感染，籠子也要徹底清洗乾淨。

　　另一種常見的病是麻痺，病因是籠子太小倉鼠活動不足，病徵是縮著身子抬不起頭來。這時候只需把牠放在桌上15分鐘，讓牠自由走動，舒展筋骨，便會沒事。

　　其實倉鼠是強壯的動物，只要居住環境良好、有乾淨和適當的飼料，便不易生病。