魚缸生菁苔點算??

同一個人，抄我同一個答案，答同一類問題兩次〔http://hk.knowledge.yahoo.com/question/question?qid=7008032001044〕！我都冇野好講啦。
圖片參考：http://tw.yimg.com/i/tw/ugc/rte/smiley_28.gif

同上一次一樣，我先將上次人地o既問題俾埋你參考，再作補充。
－　－　－　－　－　－　－　－　－　－　－　－　－
為什麼淡水魚缸有菁苔??　
解答：
　　青苔都係植物，不過係低等植物，唔係點駛 co2 同肥料，主要引起因素係光，唔係局限於陽光。
　　但凡係魚缸，只要光照夠多，就容易出青苔，如果係草缸，陰性水草生得慢，光照太多的話，結果葉面都會生藻同青苔。
　　要青苔少，最緊要係減光，就算係陽性草，草生得快又吸肥多，光照太強一樣玻璃生青苔，所以要將缸移去陽光照唔到o既地方，亦可能要換ｄ火數細ｄo既燈。呢個係根治方法。
　　如果都要治標，可以揀：
　　１．人手：用舊信用咭刮走玻璃上o既青苔其實好有效；亦可以用有磁石o既玻璃刷，咁就唔濕手都刮到魚缸內壁。
　　２．魚：各種嘴係吸盤形狀o既魚都係吸食藻類o既，但只能買小型品種（小鬍子／小精靈／金青苔），普通琵琶會長大到可以同龍吐珠同缸。
　　３．螺：角螺係首選，佢地一路爬一路用牙刮，效率唔錯；副作用係佢地會產卵o係玻璃轉角位度，會好多白色長型小粒，但唔會孵化（要鹹水先得）。其他螺就會快速繁殖，多到你唔要，唔建議你買。
切題少少，如果你係日照（陽光直接照射），咁真係比較易生青苔，因為太陽光係全光譜，水草只係用到部份色溫o既光（6500-8000k），但藻類就冇咁揀擇，所以有陽光藻類係會特別多，甚至出現「綠水」，即係一種叫做綠小球藻o既單細胞藻類大量滋生，令成缸水變成綠色。
我建議你留意下：
１．光管色溫，唔好太高太低，買燈o既原裝管可能係去到13000k，色偏藍，較惹藻；
２．加強過濾器功能，主要係增加生物環。
－　－　－　－　－　－　－　－　－　－　－　－　－
補充：
１．生物環豐儉由人，放於濾水器之中，要有流過，咁硝化細菌自然會o係環o既表面生長，幫你處理阿摩尼亞等廢物。
２．刮青苔可以o係換水時做，一手刮，同時用吸水o既泵／管抽走。魚就冇必要撈啦，如果唔係重新 set up 個缸都冇必要撈魚，因為咁做佢地都會嚴重嚇親（俾人用網追一大輪，唔係講玩）。

魚缸生菁苔,
有幾個方法去除~
- 自行可野清除
- 買螺返黎食
- 養大和蝦食菁苔
- 買清道夫食 e.g.琵琶、金青苔等等

生物環 30-40蚊有交易
係放係濾水器果度
包係濾棉入面用
作用係養硝化細菌~

如果缸中仲有魚係度
最好唔好放隻手落缸用舊信用咭刮走玻璃上既青苔
應該拎走晒所有魚,
然後落新水落去清理
old水留返比d魚用~

青苔都係植物，不過係低等植物,主要引起因素係光，唔係局限於陽光。 但凡係魚缸，只要光照夠多，就容易出青苔，如果係草缸，陰性水草生得慢，光照太多的話，結果葉面都會生藻同青苔。 要青苔少，最緊要係減光，就算係陽性草，草生得快又吸肥多，光照太強一樣玻璃生青苔，所以要將缸移去陽光照唔到o既地方，亦可能要換ｄ火數細ｄo既燈。呢個後根治方法。 如果都要治標，可以揀： １．人手：用舊信用咭刮走玻璃上o既青苔其實好有效；亦可以用有磁石o既玻璃刷，咁就唔濕手都刮到魚缸內壁。 ２．魚：各種嘴係吸盤形狀o既魚都係吸食藻類o既，但只能買小型品種（小鬍子／小精靈／金青苔），普通琵琶會長大到可以同龍吐珠同缸。 ３．螺：角螺係首選，佢地一路爬一路用牙刮，效率唔錯；副作用係佢地會產卵o係玻璃轉角位度，會好多白色長型小粒，但唔會孵化（要鹹水先得）。其他螺就會快速繁殖，多到你唔要，唔建議你買。

你個缸是否有陽光照到? 要盡量移開或搵窗布隔開.

或去金魚街買些藥水都得.

去買個專擦魚缸o既擦返黎擦乾淨佢就OK喇~ 再唔係你可以試o下去買或者去沙灘執D食菁苔o既螺返黎放落個缸度,佢會自己食D菁苔架喇~ 不過如果沙灘果d一定要係咸水缸先可以, 唔係d螺會死架~

生青苔, 最先要自己洗一洗個缸先, 然後買一, 二條青苔鼠放落缸, 青苔鼠就會自自然然幫您清架啦.