BB唔願喝奶,吃粥仔也少,怎麼辦

請參考早前我答其他網友的答案 :

http://hk.knowledge.yahoo.com/question/question?qid=7008042100926


1/ BB食奶太耐, 唔多唔少會有厭奶期, 唔好強迫佢食, 鐘意食幾多就食幾多, 由佢話事, 始終BB由六個月開始, 進食固體食物後, 由於飽肚關係, 會自行減少食奶份量, 你唔駛咁擔心啦!!

2/ 至於話BB吃粥仔都好少, 你係咪獨沽一味剩係煲粥呀?? 唔得架, 要成日轉換菜式, 俾佢試唔同嘅o野/口感, 例如麥粉、通粉、意大利粉、麥皮等等

3/ 唔會再俾空奶樽BBla, 真係會食很多空氣入肚內架, 不如食奶果陣, 叫佢自己揸奶樽食奶好過

2008-05-03 16:06:31 補充：
4/ BB幾個月開始如果唔掃風, 都冇嘔奶嘅話, 就可以唔掃o架la.

5/ 唔建議俾開奶茶BB飲, 因唔知成份係乜, 有D朋友嘅BB飲完後, 皮膚有敏感出診, 睇咗好多次醫生先好番. 同埋就算係俾開奶茶BB飲, 不見得佢真係會飲多咗奶.

我個女都試過係咁,一日都飲唔到10安奶,食粥仔又少!bb真係會有厭奶期架,你唔可以逼佢,你逼得多,佢連果少少都唔飲架!
其實真係無佢符架,你一係比佢小食多餐,一係又佢餓!我就由佢,佢唔食我就無逼佢,我都係4個鐘頭先比一餐佢食,3-4日之後佢就正常番晒啦!
bb10個月大體重係8-10kg就ok啦,你唔須要太擔心!
你唔好比空奶樽佢玩呀真係好多空氣架!咁樣bb好容易會嘔架!你想比佢學飲奶既,你可以買條吸管放係奶樽入面,佢飲奶既時候你比佢自己吸!

千祈唔好比空奶樽ｂｂ玩，佢會飲晒ｄ風落肚，令肚仔唔舒服～你可以試下載清水比ｂｂ試，再用口水肩圍住，唔會咁污糟嘛～

我由ｂｂ４個月開始都無同佢掃風，但會每個星期比一至兩次開奶茶佢飲＆同佢碌雞蛋，未咁做之前，我個ｂｂ成日都係飲２～３安一餐，有時就飲５～６安，而家定期咁開開奶茶＆碌雞蛋，ｂｂ餐餐都飲６～７安．