搵搬屋公司

搵邊一間都好, 千祈唔好揾(易發), 本人親身經歷,3月頭搬屋,本來約佢地下午2:00點,但佢地話要3:00點鐘先可以來, 咁我6:00先要交屋俾業主, 佢地公司係荃灣,我又係荃灣,心諗3個鐘佢地專業應該可以搬得0麗, 點知一等等到3:30 , 都未見人, 打電話俾佢地又冇人聽,一路打到四點鐘先有人聽,聽到電話佢地話仲0係度搬緊其他客d野要4:15先過到來,一句唔好意思到冇, 都算,再等, 等到5:00點!!火到來埋, 打俾佢地話cancel , 大聲夾惡!我等左佢2個鐘都未出聲, 佢一句唔好意思都冇, 仲要惡返我轉頭, 呢d咁0既公司千祈唔好上當, 平野冇好真係, 易發搬運公司, 易發搬運公司易發搬運公司,千祈千祈唔好搵佢地搬啊!!!!!!

呢間公司幫我搬咗3次屋, service都不錯亦無要求"茶錢". 不過每次我都比齊頭數, 例如單價是hk$1780的話我會比夠hk$1800囉. 佢主管會先到你間屋睇睇你有幾多嘢搬,並即時報價比你. 如果ok的話而行動日期及時間亦無問題就要落訂(我通常都係比hk$500), 佢即時重會比d紙箱你pack嘢用.

興盛(香港)搬屋公司--張先生 (電: 82036298)

我冇咩搬屋公司推薦, 我都係正在搵搬屋公司搬屋, 上知識睇左近20頁, 好大部份人果D推薦....你睇起上來, 似係佢本身同搬屋公司有關, 但又"此地無銀"咁, 寫到好係自己試過或朋友試過, 我睇過幾個"回答者", 都係推薦某幾間搬屋公司, 因為我真係睇左過百個關於搵搬屋公司搬屋既知識。
我突然個腦閃一閃, 就click入去呢D"回答者"既profile睇吓, 睇下佢地既"回答記錄", 點知....佢地大部份回答過既問題, 幾乎清一式係向度推薦某間搬屋公司, 一係就係最近才開戶同戶回冇咩回答或發問記錄。
唔使我再講, 你都應該知咩事啦!!! 所以你向知識呢度搵搬屋公司, 都要睇下推薦果個"回答者"既記錄。我宜家決定唔向知識睇人地D推薦, 淨係睇下有咩黑名單, 同睇吓搬屋時同D搬屋公司之間有咩事項要注意。