牆壁LUC灰, 如何diy修補.

牆壁LUC灰, 有d見白色灰, 有d見底, 可如何diy修補.
你應找出滲水的原因或滲水的源頭, 然後才尋找治理方法. 祗封閉表面, 是治標不治本. 水是那裡走來? 牆內喉管滲水? 樓上滲水? 首先處理好滲水地方, 然後再處理牆身, 方法如下:
找防水工程公司維修, 就一定很貴, 找一般裝修維修, 他們就未必識維修, 其實有一個很簡單的方法可以自己維修的.
外牆滲水維修方法如下 :
首先用玻璃膠填補較大的裂縫, 全乾後再用白英泥加入淸水攪拌至漿糊狀, 用膠灰匙掃在磁磚的空隙上, 約半小時用乾布抺乾淨, 之後用玻璃膠加天拿水攪拌至漿糊狀用曲掃油在磁磚上兩次, 最少可保用10年以上, 但油後不可做任何工程如鑽孔等. 這是防水工程公司教我的一個簡單方法, 原因很簡單, 玻璃膠各人都知道是防水的最好用品, 加天拿水是將玻璃膠容至漿糊狀, 再掃在牆上, 這就有防水功效, 本人亦試過很多次都有效. 比例大約是1:1加多與少天拿水的関係是你掃的時候比較容易或難, 其實掃二次是保障你有掃漏的地方.
注意 : 氣味很嗅,一定要開門窗通風.普通透明玻璃膠就ok.
內牆維修方法如下 :
1. 鏟除黃色水漬的灰
2. 油膠玉磁漆或光油一次
3. 批灰2次
4. 打磨平滑及清理乾淨
5. 油一次膠玉磁漆
6. 油上面油
天花又因潮濕兩發霉或甩落，是不是只再從新掃灰水就可以呢? 洗唔洗起晒之前果d油先?
主要係牆壁或天花受潮濕而引起的, 一般都會是由天花開始再到牆壁的.


解決方法 :
你家居近山近海就會容易有的情況, 可開抽濕機或冷氣機等, 這樣可以幫助抽濕令家居乾爽, 保持家居乾爽, 就無咁容易產生啦! 你亦可買濕度計測試濕度.
霉菌就一定要用乾布去抺, 否則會將黑色一點點的霉菌越抺越黑, 之後再用火酒抺天花或牆壁, 這樣做法可以避免再有霉菌出現.
千萬唔好用白醋或漂白水或滴露開水等物品來抺, 會令乳膠漆脫落, 到你你仲煩.
如唔得就要用200號砂紙輕輕打磨便可. 如果都係唔得就要(重新剷底油光油批灰)(如有需要)油多功能乳膠漆啦!
最簡單是直接油上乳膠漆便可. 如想效果好ｄ就先用180號砂紙輕輕打磨, 之後再修補裂痕或起泡的位置，便可以油乳膠漆啦．
你亦可以到五金鋪買石膏灰或平底漿或牆之寶等, 已經溝好晒, 即開即用, 非常方便, 不過份量就有多有少, 視乎需要而定.
漆油方面 :
至於用甚麼品牌, ICI 內有好多個牌子, 但水貨多, 巴馬士的沒有水貨, 但比較貴, 日本漆原廠日本制做較好, 市面多數是本地或大陸制做. 而菊花牌就是本地制做.
現時最好是買多功能漆油, 多功能包括有防霉, 抗菌, 防水, 特強附著力等.

利登 ----- 價錢平, 質素好, 但少顏色選擇.
多樂士 ----- 價錢中, 質素好, 顏色多選擇.
護牆漆 ----- 價錢中上, 質素好, 顏色多選擇, 施工較繁, 合理做價應該高些.
麗明珠 ----- 價錢高, 質素好, 顏色多選擇, 施工極繁, 冇人鍾意做.
巴馬士的 ----- 價錢高, 質素好, 顏色多選擇及色彩較鮮艷, 最大缺點是貴.
日本漆 ----- 價錢高, 質素好, 防水較好, 但太結會髹時掃痕粗.
菊花牌 ----- 價錢中下, 質素好, 顏色多選擇, 施工容易, 是平價漆油中最好.
以上資料希望可以幫到你, 如再有問題或不明白請補充!



2008-05-05 15:24:01 補充：
一般做法是油光油的, 但因為方便你們, 唔需要買咁多材料, 所以介紹你用油膠玉磁代替光油, 效果及功能都一樣請放心.

牆壁LUC灰, 如何diy修補.
圖片參考：http://tw.yimg.com/i/tw/ugc/rte/smiley_33.gif

你現在的情況有可能滲水或水氣太重,你可先尋找水的根源及止水.
遲些可能出現Spalling(英文)
解:混凝土(石矢)剝落或鋼筋外露

鋼筋外露-SPALLED CONCRETE

首先了解怎樣會形成鋼筋外露

因為混凝土(石屎)保護層[ CONCRETE COVER ]薄或有水氣/滲水的情況, 鋼筋(鐵)汲收了水份便會氧化生銹, 生銹會令(鐵)膨脹, 膨脹會迫爆(石屎), 而產生混凝土(石屎)剝落或鋼筋外露的情況.

1. 若果有滲水情況, 先止水才做

2. 使用鋼絲刷[一般五金舖有售], 將 (鐵)的表面銹漬除去.

3. 打鑿(鐵)背的(石屎), 讓(鐵)的四周有空間約15MM~25MM的距離.

4. 用水泥黏合劑[BONDING AGENT-SBR]( 英泥寶/FOSROC/SIKA/BONDTEC ) 與[ REPAIR MORTAR ] ( 英泥/ FOSROC/S IKA/ BONDTEC )混合, 塗上(鐵)作防銹處理.

混合後的型態-液態似忌廉, 一般油漆表面難於黏合[ REPAIR MORTAR ]

5. 用水泥黏合劑[BONDING AGENT-SBR]( 英泥寶/ FOSROC/ SIKA/ BONDTEC ) 與[ REPAIR MORTAR ] ( 英泥/ FOSROC/ SIKA/BONDTEC )混合, 修補及填塞空間.

混合後的型態-固態似膏狀.

6. 批好至完成面
溫馨提示:
圖片參考：http://tw.yimg.com/i/tw/ugc/rte/smiley_39.gif

做正面防水,正確解決問題的所在.
負面防水,只能止咳.

註:
每個師傅有不同的做法;沒有一個絕對正確或錯的答案;只有合適的答案.
參考短片記載
http://hk.video.yahoo.com/video/video.html?id=555458
你可電郵提供多一些資料及相片,我會給你多一些意見.
希望能夠解決到你的問題
圖片參考：http://tw.yimg.com/i/tw/ugc/rte/smiley_22.gif

E-mail: [email protected]