我好似好自閉咁

我其實人緣幾好，都有一班好朋友，但係我成日都好想識過第二班新朋友。
點講好，佢地一大家有時間，就出黎玩下，去BBQ呀咁，
但係我唔係咁想去，我唔係好鍾意咁大班人去玩咁，
或者我唔想同佢地去。我成日都諗唔同既理由推，
之後有人就話我成日都唔去，對我好唔滿意，佢又唔明我，
有時都覺得幾煩。
可能覺得同D friend 既朋友講，又好似令到佢地唔知點咁。
雖然有咁多朋友，有D都好好傾，都算係好好朋友。
但我仲未覺得佢地係我知己，有D仲覺得同我唔係好夾，
好似為左維繫個四年感情而出黎玩，MAYBE只係我覺得。
所以我成日都留係屋企，好似自閉咁我覺得。

我成日有心事，我都唔係好想同佢地講，之前有男朋友就同佢講姐，
咁家下都冇，我都想有個知己同講細談心事。
所以我成日好想轉個生活環境，家下緊係唔得，讀緊書。
好想有一班新既朋友，可以搵到一個知己。
我會唔會係好唔 知足 個D，但係我有時真係好唔開心，
我成日覺得我要去睇心理醫生。

我都唔點樣好，點調節我既心理好。