其實鏡頭裹的IS係咪咁緊要?

這要視乎你的攝影習慣.
IS(影像穏定系統)的主要作用係可以容許你用比較慢的快門手持拍攝也可以不受手震影響,拍出清晰的照片.
攝影有所謂安全快門,一般認為係鏡頭焦距的倒數,例如用200mm焦距,快門速度最好唔好慢過1/200秒,來到數碼年代,有啲相機有焦距增長,例如400D咁,200mm乘1.6後,等效焦距就變咗320mm,安全快門理論上就會去到1/320秒,當然手定程度因人而異,有啲人可以慢小小,有啲人要再快啲先掂.
照咁睇只要下下較快個快門就唔怕啦,實際上光線夠梗係冇問題啦,出猛太陽好容易就去到三,四百份一秒快門,但係天色差或者室內燈光就好可能去唔到咁快.就算得都可能係開盡光圈或者用好高iso.這時有防震就多好多本錢去減iso同收光圈喇.
你講的70-200mm f4L IS USM可以降4級安全快門,用翻以上例子,即係去到200mm,安全快門理論值係1/20秒,即使室內都有機會去到安全快門.就算唔得,唔好用咁長焦距,都叫做有啲影相空間.
當然冇防震都可以影相,你可以搵地方借力.但如果借力再加腳架就更多本錢,你也可以用腳架.穏定性仲好,只要你肯用或者嗰個地方用到就得喇.但手持的機動性會比較好小小.