東部華橋一問~~~~^^

你係咪指深圳東部華僑城?
我上年十月去過,果時D嘢仲未完全開發晒,行一日都行唔晒,聽聞會陸續加開D機動遊戲,到時更加唔夠時間行,不過我都會想再去多次,因為果度都幾靚,值得再去!

果度其實都好易去,跟團反而會約束住,果度好大,有成幾個山頭,自己去嘅,想行邊就行邊,當然,跟團會平D同有車送你去。

我果次去係去到羅湖對出個巴士站,坐387巴士,喺大梅沙站落車,行十分鐘左右,就去到大俠谷門口(喺呢邊入最好,可以睇埋大瀑布),唔識行坐的士,仲快.兩分鐘就到,直行路口轉個彎就到,唔跳標好似廿十蚊。

http://www.octeast.com/
呢個網係介紹東部華僑城,入面可以搵埋有咩車去呢!!

提示1:果度真係好大,早D去到會多D時間行(我上次十二點先去到,唔夠時間)
提示2:果度冇人趕你走,最尾落山班車係十點幾,但天黑之後冇乜路燈,D人都會走得七七八八(除左喺入面住酒店D旅客同職員外),一入夜其實都好危險嫁

正~~~